१ कोरन्‍थी 1:30 - मध्‍य पुरविया थारू

³⁰ परमेस्‍वरके कारन तुसब खिरिस्‍ट येसुमे चिही, परमेस्‍वर खिरिस्‍ट येसुके अपनासबके लेल बुधि, धरमी, पबितर आ पापसे छुटकरा दैबला बनाइल्‍कै।

१ कोरन्‍थी 1:30 ပူးပေါင်းရင်းမြစ်များ

मतीके लिखल सुसमाचार 1:21

उ एकटा बेटा जलमाइतौ आ तु ओकर नाम येसु राखिहे, कथिलेत उ आपन लोकसबके ओकरासबके पापसे बचाइतौ।”

लुका 11:49

अहै खातिर सबकुछ जानैबला परमेस्‍वर कहल्‍कै, ‘हम तोरासबके लगमे अगमबक्‍ता आ परेरितसबके पठाइबौ। महज ओइमेसे ककरो मारबिही त ककरो सताइबिही।’

लुका 21:15

कथिलेत हम तोरासबके एहेन सब्‍द आ बुधि देबौ, कि तोहर बिरोधीसब तोरासबके बात सुइनके एकोटाके जबाब दैले नै सक्‍तौ, ओकरौरके मुहमे तला लाइग जेतौ।

युहन्‍ना 1:18

परमेस्‍वरके कोइ नै कहियो देखनेछै। महज पिताके लगमे रहैबला ओकर एकलौता बेटा ओकरा हमरासबलग परगट करने छै।

युहन्‍ना 14:6

येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

युहन्‍ना 17:26

हम ओकरासबके अहाँके चिन्‍हादेनेचियै आ अहाँके चिन्‍हाइते रहबै, ताकि जे परेम अहाँ हमरा करलियै, ओह्‍या परेम ओइसबमे रहे आ हम ओइसबमे रही।”

युहन्‍ना 17:8

कथिलेत अहाँके देल सिक्‍छा हम ओइसबके देनेचियै आ उसब उ सुइकार करने छै। हम अहाँसे एलचियै कैहके उसब साँचोके बुझनेछै। तब हमरा अहै पठेलियै कैहके उसब बिस्‍बास करने छै।

युहन्‍ना 8:12

तब येसु फेनो लोकसबके कहल्‍कै, “सन्‍सारके इजोत हम्‍ही चियौ। हमर पछा चलैबला अन्‍हारमे कहियो नै चल्‍तै, महज उ जिबनके इजोत पाबतै।”

परेरित 26:18

तु ओकरासबके आँख खोइलके अन्‍हारसे इजोतमे आ सैतानके बन्‍धनसे परमेस्‍वर दिसन घुमाबे। जैसे उसब हमरमे बिस्‍बास करे आ ओकरसबके पाप छमा भ्‍याजाय आ परमेस्‍वरके पबितर करल लोकसब रहल ठाममे रहे पाबे।’

रोमी 1:17

कथिलेत सुसमाचारसे लोकके परमेस्‍वर कनङके धरमी बनाइतै से बात परकट करने छै। परमेस्‍वरके अगा धरमी ठहरैबला बात बिस्‍बाससे सुरु हैछै आ बिस्‍बासेमे पुरा हैछै। जनङ कि पबितर धरमसास्‍तरमे लिखलछै, “जे लोक बिस्‍बास दुवारा परमेस्‍वरके अगा धरमी ठहरतै, उ लोक जिबन पाबतै।”

रोमी 11:36

कथिलेत सब चिज ओकरे सिरिस्‍टी चियै आ ओकरेसे बनलछै आ ओकरे लेल बन्‍याल छै। ओकर महिमा सबदिन हैतरहे! आमेन।

रोमी 12:5

तहिनङे अपनासब बहुतो चियै तैयो खिरिस्‍टमे एकेटा देह चियै आ अपनासब एक-दोसरके सेबा दैबला अङसब चियै।

रोमी 16:11

हमर यहुदी भाइ हेरोदियनके आ परभुमे बिस्‍बास करल नरकिससके घरमे भेल्‍हा लोकसबके सेहो गोरलगी सुन्‍यादहै।

रोमी 16:7

हमर सङी एनडरोनिकस आ युनियसके हमर गोरलगी सुन्‍यादहै। परेरितसबके बिचमे ओकरासबके नाम चलल छै आ हमरसे पहिने उसब खिरिस्‍टके बिस्‍बास करने छेलै। ओहोसब हमरसङे जहलमे छेलै।

रोमी 4:25

येसु अपनासबके पापके खातिर मारलगेलै आ अपनासबके धरमी ठहराइके लेल जिबित कर्‌याल गेलै।

रोमी 4:6

अहै तरहसे धरम करम बिना परमेस्‍वरके नजरमे धरमी ठहरल लोकके बारेमे रजा दाउद अनङ कहैछै,

रोमी 5:19

एकटा लोक आदमके आग्‍यापालन नै करलाके चल्‍ते बहुतो लोक पापी भेलै, तहिनङे एकटा लोक खिरिस्‍टके आग्‍या पालनके चल्‍ते बहुतो गोरा परमेस्‍वरके अगा धरमी ठहरतै।

रोमी 5:21

पहिने पापके सक्‍ती सब लोकसबके पाप करैले लगेल्‍कै आ मरलै। आब परमेस्‍वरके दयासे हमसब ओकर अगा धरमी ठहरैचियै आ अपनासबके परभु येसु खिरिस्‍ट दुवारा अनन्‍त जिबन पाबैछै।

रोमी 8:1

ओहैसे जेसब येसु खिरिस्‍टमे बिस्‍बास करैछै, तकरासबके परमेस्‍वर दन्‍ड नै दैछै।

रोमी 8:23

सिरिस्‍टी करल चिज मातरे नै, अपनोसब भितरे भितर दुखसे कुहरैचियै। अपनासब परमेस्‍वरके परतिग्‍याके रुपमे पबितर आत्‍मा पाबनेचियै। ओहैसे अपनोसबके कहिया पुरा हकबला ओकर सन्‍तान बनेतै आ सब खराब बातसे अपनासबके देहके छुटकरा देतै कैहके असियाल चियै।

रोमी 8:9

यदि साँचोके परमेस्‍वरके आत्‍मा तोरासबमे बास करैछौ त, तुसब पाप स्‍वभाबके अधिनमे नै, महज पबितर आत्‍माके अधिनमे रहैचिही। यदि कोनो लोकमे खिरिस्‍टके आत्‍मा नै छै त, उ खिरिस्‍टके लोक हेबे नै करतै।

१ कोरन्‍थी 1:2

कोरिन्‍थ सहरमे भेल परमेस्‍वरके मन्‍डलीके, जकरा खिरिस्‍ट येसुमे पबितर बनाइनेछै आ ओकर पबितर जन हैकेलेल बोलाइल्‍कै आ चारुदिसनसे जे परभु येसुके पुकरा करैछै। ओह्‍या ओइसबके आ अपनासबके परभु चियै।

१ कोरन्‍थी 1:24

महज परमेस्‍वरके बोलाबट पाबलाहा लोकसबके लेल, चाहे उ यहुदी हेबे या गैर-यहुदी हेबे, खिरिस्‍टे परमेस्‍वरके सक्‍ती आ बुधि चियै।

१ कोरन्‍थी 12:18

महज परमेस्‍वर आपन इक्‍छा अनुसार देहके सब अङके मिल्‍याके राइखदेनेछै।

१ कोरन्‍थी 12:27

हमर कहैके मतलब यि चियै कि, तुसब खिरिस्‍टके देह चिही आ हरेक बिस्‍बासी उ देहके अङसब चिही।

१ कोरन्‍थी 12:8

ककरो पबितर आत्‍मासे बुधिके बात बोलैबला, ककरो ओह्‍या पबितर आत्‍मा ग्‍यानके बात बोलैबला बरदान दैछै।

१ कोरन्‍थी 4:15

तोरासबके खिरिस्‍ट येसुके बारेमे सिखाइबला दसो हजार गुरुसब भेलोपर पिता त बहुत नै छौ। महज सुसमाचार परचार कैरके खिरिस्‍ट येसुमे हम तोरासबके पिता भेलचियौ।

१ कोरन्‍थी 6:11

तोरासबमेसे कतहेक गोरे एक समयमे अहिनङे छेल्‍ही, महज तुसब आब परभु येसुके नाममे आ परमेस्‍वरके आत्‍मासे धोबल गेलचिही, पबितर भेलचिही आ धरमी ठहरल चिही।

२ कोरन्‍थी 12:2

हम खिरिस्‍टमे बिस्‍बास करल एक गोरे लोकके चिन्‍हैचियै, जे चौद बरिससे पहिने तेसर स्‍वरगमे उठ्‍यालगेलै। उ देहमे या बिना देहमे उठ्‍यालगेलै, से हम नै जानैचियै, उ परमेस्‍वर मातरे जानैछै।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

गलाती 1:4

येसु खिरिस्‍ट अपनासबके अइ दुस्‍ट सन्‍सारसे बचाइके लेल परमेस्‍वर आ पिताके इक्‍छा मुताबिक पापके खातिर बली भेलै।

गलाती 3:13

खिरिस्‍ट अपनासबके खातिर सरापित भ्‍याके अपनासबके बेबस्‍थाके सरापसे मोल तिरके छुटकरा देल्‍कै, कथिलेत पबितर धरमसास्‍तरमे एहेन लिखल छै, “काठमे लटक्‍याल लोक सरापित हैछै।”

एफिसी 1:10

समयमे पुरा भेलाके बाद स्‍वरग आ पिरथिबीमे सिरिस्‍टी भेल्‍हा सब चिज खिरिस्‍टके अधिनमे आबे।

एफिसी 1:14

महिमामय परमेस्‍वरके परतिग्‍या करल पुरा मुक्‍ती नै पाबैतक पबितर आत्‍मा बैना जखा चियै। आब अपनासब ओकरा परसन्‍सा करु।

एफिसी 1:7

ओकर महान अनुगरह अनुसार खिरिस्‍ट आपन लहु बहेलासे अपनासब उधार आ पाप छमा पाबनेचियै।

एफिसी 2:10

कथिलेत हमसब असल कामसबके लेल खिरिस्‍ट येसुमे सिरिस्‍टी भ्‍याल ओकर हाथके सिप चियै। ओह्‍या अनुसार अपनासब चल कैहके उ पहिनेसे तयार करने रहै।

एफिसी 4:30

परमेस्‍वरके पबितर आत्‍माके दुखी नै बना, कथिलेत पबितर आत्‍मा तोरासबके छुटकाराके दिनके खातिर भेटल छाप चियौ।

एफिसी 5:26

खिरिस्‍ट मन्‍डलीके बचन रुपी पानीसे धोइबके सुध आ पबितर बनाइल्‍कै।

फिलिप्‍पी 3:9

ताकी पुरा रुपसे हम ओकरमे एक भ्‍यासकी। बेबस्‍था पालन कैरके परमेस्‍वरके अगा हम धरमी हैले नै सक्‍बै महज आब खिरिस्‍टमे बिस्‍बास करलासे परमेस्‍वरे हमरा धरमी ठहराइल्‍कै। यि धारमिकता बिस्‍बासमे अरल छै।

कलस्‍सी 1:14

ओकरेमे अपनासबके छुटकारा आ पाप छमा छै।

कलस्‍सी 3:16

खिरिस्‍टके बचनसे तोरासबके हिरदय परसस्‍त कैरके भरल रहे। आपन पुरे ग्‍यान-बुइधसे एक दोसरके सिखा आ सल्‍लाह दैबला काम कर। परमेस्‍वरके हिरदयसे धन्‍यबाद दैत भजन, इस्‍तुति-परसन्‍सा आ आत्‍मिक गितसब गाब।

१ थेसलोनिकी 5:23

अपनासबके सान्‍ती दैबला परमेस्‍वर आपनेसे हरतरहसे तोरासबके पबितर राखे आ अपनासबके परभु येसु खिरिस्‍ट नै आबैतक तोरासबके आत्‍मा, परान, देह निरदोस रहे से हमर आसा चियै।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

हिबरु 9:12

खिरिस्‍ट सिधा महापबितर ठाममे सबदिनके लेल एकेबेर ढुकलै। उ छागर आ बछासबके चरहाल बलीके लहु ल्‍याके नै ढुकलै, महज आपने लहु ल्‍याके ढुकलै आ अपनासबके सबदिन रहैबला मुक्‍ती देल्‍कै।

याकुब 1:5

महज तोरौरके बिचमे ककरो-ककरो बुइधके कमी छौ त उ परमेस्‍वरसे माङे आ परमेस्‍वर तोरासबके उदार चितसे परसस्‍त कैरके देतौ।

१ पतरुस 1:2

परमेस्‍वर पिता आपन पहिनेके योजना अनुसार तोरासबके छानल्‍कौ आ आपने पबितर आत्‍मासे पबितर बनेल्‍कौ। येसु खिरिस्‍टके आग्‍यापालन करैले आ ओकर लहुके छिटकासे सुध हेबे कैहके उ तोरासबके छानल्‍कौ। परमेस्‍वरके अनुगरह आ सान्‍ती तोरासबमे परसस्‍त हेबे।

२ पतरुस 1:1

हम सिमोन पतरुस, येसु खिरिस्‍टके दास आ परेरितके तरफसे अपनासबके परमेस्‍वर आ मुक्‍ती दैबला येसु खिरिस्‍टके धारमिकतासे अपनेसब जखा अनमोल बिस्‍बास पाबैबलासबके लेल यि चिठी लिखरहल चियै।

१ युहन्‍ना 5:6

येसु खिरिस्‍ट वह्‍या चियै जे पानी आ लहुसे एलै। उ पानीसे मातरे नै महज पानी आ लहुसे एलै। यि बात सत छै कैहके पबितर आत्‍मा साक्‍छी छै, कथिलेकी पबितर आत्‍मा सत चियै।

परकास 14:4

उसब कहियो नै जनिसबसङे देहके समबन्‍ध राखने छेलै आ आपनेके सुध राखने छेलै। थुमा जते जते जाइछेलै ओकर पछा लागैबला वहेसब छेलै। परमेस्‍वर आ थुमाके लेल पहिल्‍का फलके रुपमे लोकसबके बिचसे ओकरासबके मोल तिरके छुटाइने छेलै।

परकास 5:9

उसब अनङ कहैत एकटा लया गित गाबल्‍कै, “यि कागतके मुठा लैले आ अकर लाहटके तोरेके योग्‍य अहाँ मातरे चियै, अहाँ मारल गेलियै आ आपन लहुसे अहाँ परमेस्‍वरके लेल सब कुल, भसा, जाती आ देसके लोकसबके छुटकरा देलियै।