१ कोरन्‍थी 1:21 - मध्‍य पुरविया थारू

²¹ सन्‍सारके लोकसब आपन बुइधसे परमेस्‍वरके चिन्‍हैले नै सक्‍लै, तैल्‍याके उ आपन बुधिमानी योजना अनुसार अपनासबके परचार करल मुरुख बातसबसे बिस्‍बास करैबलासबके बचाइले चाहल्‍कै।

१ कोरन्‍थी 1:21 ပူးပေါင်းရင်းမြစ်များ

मतीके लिखल सुसमाचार 11:25

ओहै बखत येसु कहल्‍कै, “हे पिता स्‍वरग आ पिरथिबीके मालिक, हम अहाँके धन्‍यबाद चरहाइचियै, कथिलेत यि बातसब अहाँ बातसब बुधिमान आ बिदवान सबसे घोसाइरके राखलियै, महज बच्‍चासबमे परगट करलियै।

लुका 10:21

तहै बखत येसु पबितर आत्‍मामे खुसीसे भैरके कहल्‍कै, “हे परमेस्‍वर पिता, स्‍वरग आ पिरथिबीके मालिक, हम अहाँके धन्‍यबाद चरहाइचियै, कथिलेत अहाँ यि बातसब बुधिमान आ समझदारसे घोसाइरके राखल बात छोट बच्‍चासबमे परगट करलियै, कथिलेत पिता, अहिनङ करैले अहाँके इक्‍छा लागल।

लुका 12:32

ताब येसु चेलासबके कहल्‍कै “हे हमर छोट जेर, नै डेरा! कथिलेत परमेस्‍वर तोरासबके आपन राज दैले खुसिसाथ तयार भेलछौ।

युहन्‍ना 12:31

आब अइ सन्‍सारके नियाय हैबला समय चैल एलछै। अइ सन्‍सारके सासक बाहर निकालल जेतै।

रोमी 1:28

उसब परमेस्‍वरके सत ग्‍यानके बेकाम ठानल्‍कै। ओहैसे परमेस्‍वर ओकरासबके ओहैसबके कुबिचारमे छोइरदेल्‍कै।

रोमी 11:33

आहा! परमेस्‍वरके धन, ग्‍यान आ बुधि कतहेक महान छै! ओकर निरनय करल बातके बखान कोइ नै करैले सकैछै। ओकर काम करैबला तरिका कोइ नै बुझैले सकैछै।

१ कोरन्‍थी 1:18

बिनास हैबला लोकसब कुरूसके समादके मुरुख बात ठानैछै, महज हमसब मुक्‍ती पाबैबलासबके लेल यि परमेस्‍वरके सक्‍ती चियै।

१ कोरन्‍थी 1:23

महज हमसब त कुरूसमे टाङल खिरिस्‍टेके परचार करैचियै, जे यहुदी लोकसबके लेल ठेस लागैबला बात चियै आ गैर-यहुदीसबके लेल मुरुख बात चियै।

१ कोरन्‍थी 1:24

महज परमेस्‍वरके बोलाबट पाबलाहा लोकसबके लेल, चाहे उ यहुदी हेबे या गैर-यहुदी हेबे, खिरिस्‍टे परमेस्‍वरके सक्‍ती आ बुधि चियै।

१ कोरन्‍थी 1:25

कथिलेकी लोकसबके बुधिमानी योजनासे त बरु परमेस्‍वरके मुरुख योजना बेसी महान छै आ परमेस्‍वरके दुरबलता लोकसबके बलसे सक्‍तिसाली छै।

१ कोरन्‍थी 1:27

महज बुधिमानसबके लाजमे पारैके लेल परमेस्‍वर सन्‍सारके मुरुख बातसबके छानल्‍कै आ सक्‍तिसाली लोकसबके लाजमे पारैके लेल परमेस्‍वर सन्‍सारके निरबल बातसबके छानल्‍कै।

१ कोरन्‍थी 11:32

जब परभु अपनासबके नियाइ करतौ, उ अपनासबके अनुसासनके लेल करतौ, ताकि हमसब सन्‍सारके लोकसब जखा दोसी नै ठहरबै।

१ कोरन्‍थी 2:14

जै लोकमे परमेस्‍वरके आत्‍मा नै छै, उ लोक परमेस्‍वरके आत्‍माके बातसबके गरहन नै करैछै। कथिलेत एहैन बातसब ओकरलेल मुरुख बात हैछै। एहैन बात त परमेस्‍वरके आत्‍मासे मातरे बुझैले सकैछै।

१ कोरन्‍थी 4:10

हमसब खिरिस्‍टके सेबक भेलासे लोकसबके नजरमे मुरुख भेलचियै, महज तुसब त खिरिस्‍टके लेल बुधिमान चिही। हमसब कमजोर चियै, महज तुसब बौकार चिही। लोकसब त तोरासबके आदर करैछौ महज हमरासबके अनादर करैछै।

१ कोरन्‍थी 6:2

पबितर जनसब सन्‍सारके लोकसबके नियाइ करतै कैहके, कि तोरासबके थाह नै छौ? यदि तुसब सन्‍सारके लोकसबके नियाय करैचिही त, एहेन छोट से छोट झगरासब मिलाबैले नै सकैचिही?

गलाती 1:15

महज हमर जलम हैसे पैहनैये परमेस्‍वर हमरा अलग करल्‍कै आ अनुगरहसे हमरा आपन काम करैले बोलाइल्‍कै।

गलाती 4:8

तुसब परमेस्‍वरके चिन्‍हैसे पहिने बहुतो देबी-देउतासबके पुजा करैछेल्‍ही, जे परमेस्‍वर नै चियै। तुसब ओकर दास छेल्‍ही।

एफिसी 1:9

ओकरे सब ग्‍यान आ बुइधमे परमेस्‍वर खिरिस्‍टमे पुरा करबै कैहके सोचलहा गुप्‍त योजनो अपनासबके देखाइल्‍कै।

एफिसी 3:10

अहिनङके मन्‍डलीसे परमेस्‍वरके सब किसिमके ग्‍यान स्‍वरगके ठामसबके सासकसब आ अधिकारीसबके बिचमे परकट करे।

कलस्‍सी 1:19

कथिलेत परमेस्‍वरके निरनयसे ओकर आपन सब स्‍वभाव खिरिस्‍टमे मिलल छै।

हिबरु 1:14

स्‍वरगदुतसब त परमेस्‍वरके सेबा करैबला आत्‍मासब चियै। परमेस्‍वर ओकरासबके मुक्‍ती पाबैबला लोकसबके सहायता करैके लेल पठाइनेछै।

हिबरु 2:3

आब हमसब एहैन महान मुक्‍तीके वास्‍ता नै करबै त, अपनासब कनङके दन्‍डसे बाच्‍बै? यि मुक्‍तीके बारेमे सबसे पहिने परभु येसु आपनेसे परचार करल्‍कै आ ओकर बचन सुनैबलासब अपनासबके लेल पक्‍का परमानित कैरदेल्‍कै।

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

याकुब 4:4

हे बेबिचारी लोकसब! परमेस्‍वरके छोइरके यि सन्‍सारके खराब चालचलनमे चलैबला लोकसब परमेस्‍वरके दुस्‍मन हैछै से बात तोरौरके थाह नै छौ? अहैलेल यदि कोनो लोक यि सन्‍सारके खराब चालचलनमे चल्‍तै, उ परमेस्‍वरके दुस्‍मन चियै।

याकुब 5:15

बिस्‍बास साथ करल परथनासे बिमारी निक हेतै तब परभु ओकरा निक कैरदेतै। उ लोक पाप करने रहतै तैयो छमा पाबतै।

याकुब 5:20

उ लोक जाने कि, एक गोरा पापीके ओकर गलत बाटसे घुमाके लाबैछै त, ओकरा मिरतुके मुहसे बचाइतै आ बहौत पाप छमा पाबैके लेल सहायता करतै।