१ कोरन्‍थी 1:18 - मध्‍य पुरविया थारू

¹⁸ बिनास हैबला लोकसब कुरूसके समादके मुरुख बात ठानैछै, महज हमसब मुक्‍ती पाबैबलासबके लेल यि परमेस्‍वरके सक्‍ती चियै।

१ कोरन्‍थी 1:18 ပူးပေါင်းရင်းမြစ်များ

परेरित 13:41

हे निन्‍दा करैबला लोकसब, देखके चकित हो आ नास भ्‍याजो! कथिलेत हम तोरे बखतमे एहेन काम करबौ, ओइ कामके बारेमे तोरा कोइ कहबो करतौ त, कहियो नै तुसब बिस्‍बास करबिही।”

परेरित 17:18

ओते इपिक्‍युरी आ स्‍तोइकी दारसनिकमेसे कुछ पावल सङे बाद-बिबाद करै। उसब कतहेक गोरा कहल्‍कै, “यि बर-बरहा कथी कहैछै?” औरोकोइ कहल्‍कै, “भैरसक यि कोनो लबका देबि-देउताके परचार करैछै!” कथिलेत पावल येसुके बारेमे आ उ मरके जि उठल छै तै बातके परचार करैछेलै।

परेरित 17:32

लोकसब मैरके जि उठैछै से बात सुइनके ओतेका कतहेक लोक पावलके मजाक उराइल्‍कै। महज कोइ-कोइ कहल्‍कै, “यि बात फेनो हमसब सुनैले चाहैचियै।”

परेरित 2:47

आ परमेस्‍वरके परसन्‍सा करैक। औरो लोकसबसेहो ओकरासबके असल नजैरसे देखैक। तब उदार पाबैबलासबके समुहमे दिन-दिने परभु बिस्‍बासीसबके संख्‍या थैप दैछेलै।

रोमी 1:16

हमरा यि सुसमाचार सुनाइले लाज नै लागैछै, कथिलेकी बिस्‍बास करैबला सबलोकके मुक्‍ती दैकेलेल यि सुसमाचार परमेस्‍वरके सक्‍ती चियै, जे पहिने यहुदीसबके लेल आ बादमे गैर-यहुदीयोसबके लेल चियै।

१ कोरन्‍थी 1:21

सन्‍सारके लोकसब आपन बुइधसे परमेस्‍वरके चिन्‍हैले नै सक्‍लै, तैल्‍याके उ आपन बुधिमानी योजना अनुसार अपनासबके परचार करल मुरुख बातसबसे बिस्‍बास करैबलासबके बचाइले चाहल्‍कै।

१ कोरन्‍थी 15:2

हमर परचार करल उ सुसमाचारमे बिस्‍बास करैले नै छोरबिही त तुसब उदार पाबबिही, नै त तोरासबके करल बिस्‍बास बेरथ हेतौ।

१ कोरन्‍थी 2:14

जै लोकमे परमेस्‍वरके आत्‍मा नै छै, उ लोक परमेस्‍वरके आत्‍माके बातसबके गरहन नै करैछै। कथिलेत एहैन बातसब ओकरलेल मुरुख बात हैछै। एहैन बात त परमेस्‍वरके आत्‍मासे मातरे बुझैले सकैछै।

१ कोरन्‍थी 2:2

हम तोरासबके लग रहैतखिना येसु खिरिस्‍ट आ कुरूसमे भेल ओकर बलिदान बाहेक किछो नै बोलैके पक्‍का करनेछेलियै।

१ कोरन्‍थी 3:19

कथिलेत परमेस्‍वरके अगा सन्‍सारके बुइध त मुरुख बात चियै। जनङ पबितर धरमसास्‍तरमे लिखल छै, “उ बुधिमानसबके ओइसबके चतुराइमे पकरैछै।”

१ कोरन्‍थी 4:10

हमसब खिरिस्‍टके सेबक भेलासे लोकसबके नजरमे मुरुख भेलचियै, महज तुसब त खिरिस्‍टके लेल बुधिमान चिही। हमसब कमजोर चियै, महज तुसब बौकार चिही। लोकसब त तोरासबके आदर करैछौ महज हमरासबके अनादर करैछै।

२ कोरन्‍थी 10:4

हमरासबके हाथ-हथियार त सन्‍सारके नै छै, महज हमरासबसङे परमेस्‍वरके सक्‍तिसाली हाथ-हथियार छै, जै हाथ-हथियारसे सैतानके सक्‍तिके खतम कैरदैछै आ बेकारके बाद-बिबादके नास कैरदैछै।

२ कोरन्‍थी 4:3

यदि हमरासबके करल सुसमाचार परचार झापल छै त, उ ओइसबके लेल झापल छै, जेसब नास हैले ज्‍यारहलछै।

१ थेसलोनिकी 1:5

कथिलेकी जे सुसमाचार हमसब सुनेलियै उ सब्‍द मातरे नै महज सक्‍तीके साथ, पबितर आत्‍माके साथ आ पुरे निस्‍चयताके साथ एलै। जखन हमसब तोरासबके सङे रहलियै त केहेन चालचलनके जिबन जिलियै से तोरासबके थाहे छौ।

२ थेसलोनिकी 2:10

नास हैबलासबके उ दुस्‍टतासे छकाइतै, कथिलेत उसब मुक्‍तीदैबला सतके नै मन पराइल्‍कै।

हिबरु 12:2

अपनासबके बिस्‍बास सुरु करैबला आ पुरा करैबला येसुके देख। जे पाछुसे पाबैबला आनन्‍दके लेल अपमानके कुछो नै सोइचके कुरूसमे दुख भोगल्‍कै आ अखैन उ परमेस्‍वरके सिंहासनके दहिनाकात बैठलछै।

हिबरु 4:12

कथिलेकी परमेस्‍वरके बचन त जिबित आ काम करैबला चियै आ कोनोभी दुइ दिसन धार भेल तलबारसे बेसी चोख रहैछै। जनङ परान आ आत्‍माके भितर पुइगके अकर जोरनी आ हड्‍डी भितरके गुदीसबके भाग-भाग करैतक वार-पार करैछै, तहिनङ परमेस्‍वरके बचन लोकसबके हिरदयके बिचार आ चाहनाके एक-एक कैरके जाँच करैछै।