१ कोरन्‍थी 1:17 - मध्‍य पुरविया थारू

¹⁷ कथिलेत बप्‍तिस्‍मा दैले नै महज सुसमाचार परचार करैके लेल खिरिस्‍ट हमरा पठेल्‍कै। हम परचार करैतखिना सन्‍सारके चलाक ग्‍यानसे नै करलियै, नै त खिरिस्‍टके कुरूसके सक्‍ति बेरथ हेतियै।

१ कोरन्‍थी 1:17 ပူးပေါင်းရင်းမြစ်များ

युहन्‍ना 4:1

येसु युहन्‍नासे बेसी चेलासब बनाइछै आ बप्‍तिस्‍मा दैछै से बात फरिसीसब सुन्‍नेछै कैहके येसु जानल्‍कै।

युहन्‍ना 4:2

(बास्‍तममे येसु आपनसे ककरो नै बप्‍तिस्‍मा देने रहै, बप्‍तिस्‍मा दैबला काम त ओकर चेलासब करैछेलै।)

परेरित 10:48

तब पतरुस ओइसबके येसु खिरिस्‍टके नाममे बप्‍तिस्‍मा लैले आग्‍या करल्‍कै। तब उसब पतरुसके कन्‍हिक दिन हमरेसबसङे रहु कैहके अनुरोध करल्‍कै।

१ कोरन्‍थी 2:1

हे हमर भाइ-भैयासब, हम तोरासबके लग परमेस्‍वरके बारेमे गबाही दैले आबैतखिना बरका-बरका बातसब आ बुइधके धाख नै देखेलियौ।

१ कोरन्‍थी 2:13

जे बात हमसब परचार करैचियै, उ बातसब कोनो लोकके बुइधसे सिखेल्‍हा बातसब नै, महज पबितर आत्‍मासे सिख्‍याल बात बोलैचियै आ पबितर आत्‍मा पाबलहा लोकसबके आत्‍मिक सतके बातसबके अरथ खोइलदैचियै।

२ कोरन्‍थी 1:12

अइ बातमे हमसब गर्‌भ करैचियै आ हमरासबके बिबेक सेहो साक्‍छी दैछै कि, अइ सन्‍सारमे बिसेस कैरके ओइसबसङे समबन्‍धमे हमसब इमान्‍दार आ परमेस्‍वरमे पबितर जिबन बितेलियै। यि हमसब सन्‍सारके ग्‍यानसे नै महज परमेस्‍वरके अनुगरहसे पाबनेचियै।

२ कोरन्‍थी 10:10

कतहेक लोक कहैछै, “पावलके चिठीसब गम्‍भीर आ करा हैछै, महज उ आपने हैतकाल कमजोर हैछै आ ओकर बोली कोनो महत्‍वके नै हैछै।”

२ कोरन्‍थी 11:6

हम बोलैमे फरहर लोक नहियो चियै त ग्‍यानमे कमके नै चियै। यि बात हमसब तोरासबके हर परकारसे साफ-साफ देख्‍यादेनेचियौ।

२ कोरन्‍थी 4:2

हमसब सब किसिमके घोसैरके करैबला सरमके कामसब त्‍यागनेचियै। हमसब धुर्‌त काम नै करैचियै नै त परमेस्‍वरके बचनके गलत हिसाबसे परयोग करैचियै। महज परमेस्‍वरके सामने हमसब खिरिस्‍टके बारेमे सत बात मातरे बोलैचियै, ताकि कोनो लोकसबके मनमे हमसब छल करैचियै कैहके दोस लगाइले नै पाबे।

२ पतरुस 1:16

जब अपनासबके परभु येसु खिरिस्‍टके सक्‍ती आ आगमनके बारेमे तोरासबके कहलियौ, से हमसब चलाकिसे तोरासबके कोनो बनोतरी बात-कथामे नै कहलियौ महज ओकर बरका महिमा हमसब आपने आँखसे देखने छेलियै।