Matéyo 4:12 - Kagi nemula (Word of God)

¹² Na, egoh i Hésus neketiig nebilanggu dé Huwan Tegebautis i, miglikù Hésus i diyà sa uwang Galiliya.

Matéyo 4:12 ပူးပေါင်းရင်းမြစ်များ

Matéyo 11:2

Na, egoh i Huwan Tegebautis diyà sa bilangguwan, dinineg di sa medoo binaelan i Hésus Kelistu. Agulé igpesugkow di diyà sa duma pasek di sa igsà di diyà si Hésus.

Matéyo 14:3

Na, igpeimatay i Hélod Huwan i danà di migsigbolow si Hélod, guwaen di, “Migtipay ka dé sa uledin ta danà ko mig-agaw si Hélodiyas.” Na, si Hélodiyas sa sawa i Pilipi hadi i Hélod. Na, danà sa kesigbolow i Huwan, huenan di igpesigkem i Hélod kagdi owoy igpepolot di owoy binilanggu di ma.

Malkos 1:14

Na, egoh i Huwan nebilanggu danà i Datù Hélod, mig-angay Hésus i diyà uwang Galiliya egtulù sa Mepion Tegudon kedu si Nemula.

Malkos 6:17

Iya sa inikagi i Hélod, enù ka igpeimatay di si Huwan danà di migsigbolow si Hélod, guwaen di, “Migtipay ka dé sa uledin ta danà ko mig-agaw sa sawa hadi ko.” Iya sa kagi i Huwan enù ka sinawa i Hélod sa ibò di, si Hélodiyas, sa tapay sawa i Pilipi hadi di. Huenan di, igsugù i Hélod egpesigkem Huwan i owoy igpebilanggu di ma.

Lukas 23:5

Dodoo egpeges da egtipu, guwaen da, “Takà egtulù eg-edung Galiliya dò taman dahini anì egpekuntelaen di sa medoo etaw diyà si Sulutan.”

Lukas 3:20

Iya ma sa tigtu salà di sa egoh di egbilanggu si Huwan.

Lukas 4:14

Na, miglikù Hésus i dutu uwang Galiliya dò owoy tinunungan sa Suguy i Nemula. Huenan di, nekeseluh sa lalag di diyà sa langun etaw dahiya.

Lukas 4:31

Agulé, miglungel Hésus i mig-angay diyà sa menuwa Kapelenaum diyà uwang Galiliya. Egoh di neuma Sapetu sa agdaw keetud da, migtulù diyà sa simbaan da.

Huwan 1:43

Na, egoh di sumimag, ungayà i Hésus mangay dutu tanà Galiliya dò. Agulé hinaa di Pilipi i, owoy guwaen di diyà kenagdi, “Unut ka kenak.”

Huwan 2:11

Na, egoh i Hésus migbael siini panduan diyà menuwa Kana diyà uwang Galiliya, iya sa anay panduan binaelan di anì ipehaa di sa tunung di. Huenan di, migpigtuu dé sa medoo pasek di diyà kenagdi.

Huwan 3:24

enù ka egoh iya endà pa nebilanggu di.

Huwan 4:43

Na, egoh di neelut sa duwa agdaw, miglegkang Hésus i diyà Samaliya owoy lumagbas mangay Galiliya dò.

Huwan 4:54

Na, iya sa keduwa panduan binaelan i Hésus. Binaelan di iya wé diyà uwang Galiliya egoh di migpelikù kedu diyà uwang Hudiya.