Loma 9:29 - Kagi nemula (Word of God)

²⁹ Duen ma sa kagi i Isayas egoh anay, guwaen di, “Amuk endà eghiduwan i Nemula duu kita i Hudiyu, sa Nemula épê dakel egkegaga, endà dumuen sebaen etaw mesamà enù ka mekesugsug ki langun mekeiling sa medoo etaw nekesugsug egoh anay dutu siedò menuwa Sodoma owoy menuwa Gomola.”

Loma 9:29 ပူးပေါင်းရင်းမြစ်များ

Santiyago 5:4

Netiigan i Nemula linapis yu sa medoo etaw eggalebek diyà sa hinemulaan yu enù ka endà egsukayan yu duu. Dinegdineg yu sa ketipu sa medoo etaw egketu diyà keniyu. Dinineg ma i Datù Nemula épê dakel egkegaga sa ketipu da, huenan di tabangan di doo kagda.

2 Pidelu 2:6

Hediya ma, pinigtamayan i Nemula ma sa medoo etaw diyà menuwa Sodoma owoy menuwa Gomola egoh anay danà sa salà da. Inulow di kagda imet lapeg sa menuwa da anì metiigan sa langun etaw sa mebaelan da amuk endà egpigtuu da.

Hudas 1:7

Hediya ma sa langun etaw egoh anay diyà sa menuwa Sodoma owoy menuwa Gomola owoy sa medoo menuwa medapag dahiya. Inimet i Nemula kagda mig-ulow enù ka nekeiling da siedò medoo egsugùsuguen di takà egbael salà. Beken daa bayi sa duma da meseuma lawa sa medoo maama, dodoo meseuma ma lawa sa duma da maama. Huenan di, inulow i Nemula kagda, enù ka ipetiig di diyà sa langun etaw sa egoh di tigtu migtamay sa langun etaw tegebael salà diyà sa apuy endà mepadeng.