Loma 5:19 - Kagi nemula (Word of God)

¹⁹ Endà migpangunut Adam i diyà sa igsugù i Nemula, huenan di nekebael salà sa langun etaw. Dodoo danà i Hésus Kelistu migpangunut diyà si Nemula, mebaluy doo kumetiengaw sa medoo etaw diyà sa kehaa i Nemula.

Loma 5:19 ပူးပေါင်းရင်းမြစ်များ

Loma 11:32

Dodoo danà sa salà ta, lagà binilanggu i Nemula sa langun etaw, iling ka etaw Hudiyu ataw ka beken Hudiyu, anì metiigan ta dakel sa kehidu di kenita amuk ipeuloy di sa salà ta.

Loma 5:12

Na, ini sa pesuwan di duen sa salà diyà tanà enù ka danà sa salà binaelan sa sebaen daa etaw egoh anay, si Adam. Danà sa salà binaelan di, duen ma sa kepatay etaw. Iya sa pesuwan di egkematay sa langun etaw ini egoh enù ka nelengon ki egbael salà.

Loma 5:15

Dodoo endà nesetepeng da, enù ka endà nesetepeng sa mepion ketabang ipeuloy i Nemula danà i Kelistu owoy sa salà binaelan i Adam. Danà sa sebaen etaw si Adam, neseinut-inut sa langun etaw nematay danà sa salà binaelan di. Dodoo uman pa dakel sa kehidu i Nemula kenita enù ka egtabangan di doo sa medoo etaw danà sa mepion binaelan sa sebaen etaw si Hésus Kelistu. Iya sa mepion ketabang ipeuloy i Nemula diyà kenita.

Loma 5:18

Netiigan ta mepigtamayan sa langun etaw taman melugay danà sa salà binaelan i Adam. Dodoo danà ma sa metiengaw binaelan i Hésus Kelistu, mebegayan ki polo sa lalù endà meelut di owoy petiengawen i Nemula kita.

2 Kolintu 5:21

Apiya di pa endà duen salà binaelan i Kelistu, pinigtamayan i Nemula doo kagdi danà sa medoo salà ta, anì petiengawen di kita diyà sa kehaa di danà ta nesesebaen si Kelistu.

Épéso 1:6

Huenan di, meolò ta Nemula i, enù ka tigtu mepion sa ketabang ipeuloy di diyà kenita danà di nesesebaen ki si Kelistu sa Anak di eghiduwan di.

Pilipos 2:8

Egoh di migpeetaw diyà tanà, endà pinedakel di kagdi dodoo migpetukééy polo. Migpangunut doo diyà sa sugù sa Emà di apiya di pa igtutuk diyà sa kayu igbugsud anì mematay.