Loma 14:11 - Kagi nemula (Word of God)

¹¹ Netiigan ta tuu iya wé enù ka duen sa kagi i Nemula igpesulat, guwaen di, “Aken sa Datù melalù taman melugay. Huenan di, lumigkued sa langun etaw diyà sa taengan ku kani, owoy oloen da ma aken i Nemula.”

Loma 14:11 ပူးပေါင်းရင်းမြစ်များ

Matéyo 10:32

Guwaen i Hésus, “Na, sa etaw egtulon diyà duma di sa kedatù di kenak, iya ma sa etaw tulonen ku diyà si Emà ku diyà langit anì metiigan di kagdi sa etaw ku.

Loma 10:9

Huenan di, amuk tulonen yu diyà etaw sa egoh i Hésus sa Tigtu Datù ta, owoy amuk tigtu pigtuuwen yu ma sa egoh i Nemula mig-enaw kenagdi egoh di nematay, mealukan yu doo diyà sa kepigtamay di.

Loma 15:9

Pineangay di ma kagdi diyà tanà anì mekeolò ma sa etaw beken Hudiyu diyà si Nemula, enù ka iglapeg di ma kagda diyà sa medoo etaw eghiduwan di. Enù ka duen sa kagi i Nemula igpesulat pinelagà ku sa kagi i Kelistu, guwaen di, “O Nemula, tigtu eg-oloen ké kuna i sa medoo etaw beken Hudiyu. Owoy egduyuy ké ma eg-olò keniko.”

1 Huwan 4:15

Sumalà dé sa egtulon tuu si Hésus sa Anak i Nemula, iya sa etaw kenà i Nemula eg-ugpà owoy eg-ugpà ma diyà si Nemula.

2 Huwan 1:7

Duen medoo etaw tegeakal nekeseluh diyà tanà, owoy endà igtulù da duu sa tuu tegudon denu sa egoh i Hésus Kelistu neetaw diyà tanà. Kagda sa tegeakal owoy kuntelà i Kelistu.

Kepehaa I Hésus Kelistu 5:14

Agulé, egsagbì sa epat mapulù egsugùsuguen i Nemula, guwaen da, “Amin.” Agulé eglagkeb dema sa duwa pulù owoy epat kaunutan enù ka egdatuen da.