Huwan 8:30 - Kagi nemula (Word of God)

³⁰ Egoh da migdineg iya wé inikagi di, medoo dé sa etaw migpigtuu diyà kenagdi.

Huwan 8:30 ပူးပေါင်းရင်းမြစ်များ

Huwan 10:42

Hê, medoo sa etaw dutu egpigtuu dé diyà kenagdi.

Huwan 11:45

Na, sa medoo etaw Hudiyu mig-angay diyà si Maliya, egoh da mighaa iya wé panduan binaelan i Hésus, egpigtuu da dé diyà kenagdi.

Huwan 2:23

Na, egoh i Hésus eg-ugpà pelà diyà Hélusalém egoh da egpista Sa Agdaw Kinetalà Sa Kepigtamay i Nemula, medoo sa etaw egpigtuu dé diyà kenagdi danà da mighaa sa medoo panduan binaelan di.

Huwan 6:14

Egoh sa medoo etaw mighaa siini panduan binaelan i Hésus, guwaen da, “Tigtu tuu kagdi sa tegesugkow i Nemula pineangay di diyà tanà.”

Huwan 7:31

Dodoo duen dé medoo etaw egpigtuu diyà kenagdi, owoy guwaen da, “Kagdi doo sa Tigtu Datù sinugù i Nemula, enù ka endà duen etaw mekelowon diyà siini etaw egbael panduan.”