Huwan 7:43 - Kagi nemula (Word of God)

⁴³ Na, nesetigesa sa penemdem sa medoo etaw denu si Hésus.

Huwan 7:43 ပူးပေါင်းရင်းမြစ်များ

Matéyo 10:35

Egkesekuntelà sa lukes etaw owoy sa anak di danà ku mig-angay dahini. Hediya ma, egkesekuntelà sa nugangan owoy sa awas di.

Lukas 12:51

Yoko egpenemdem duu mig-angay a diyà tanà anì pelanihen ku sa pedu sa langun etaw. Dodoo taa yu, hih, uman da polo sekuntelaay danà ku mig-angay diyà tanà.

Huwan 10:19

Na, egoh sa medoo etaw Hudiyu migdineg sa inikagi i Hésus, egsesigbolowoy da enù ka endà nesesebaen sa penemdem da.

Huwan 7:12

Medoo temù sa etaw eglenged sa pista, owoy egsesigbolowoy da denu si Hésus. Duen duma etaw, guwaen da, “Mepion etaw kagdi ya.” Owoy duen ma etaw, guwaen da, “Endà, enù ka eg-akalan di sa medoo etaw danà sa ketulù di.”

Huwan 9:16

Agulé, duen duma Palasiyu eg-ikagi, guwaen da, “Siini etaw migbulung, beken kagdi sa pineangay i Nemula enù ka tinipay di sa uledin ta denu sa agdaw keetud.” Dodoo duen ma liyu etaw eg-ikagi, guwaen da, “Amuk kagdi sa etaw tegebael salà, endà mekebael di panduan iling sa binaelan di.” Hê, egsesigbolowoy da denu sa binaelan i Hésus.

Binaelan 14:4

Dodoo tapay doo endà nesesebaen sa pedu sa medoo etaw dahiya. Duen etaw egpigtuu diyà sa kagi sa salu i Hésus, owoy duen ma etaw eg-unut diyà sa kagi sa medoo Hudiyu endà egpigtuu.