Huwan 7:18 - Kagi nemula (Word of God)

¹⁸ Enù ka amuk duen etaw egtulù sa hagdi penemdem daa, iya daa sa ungayà di egpeolòolò diyà etaw. Dodoo amuk egtulù sa etaw anì meolò Nemula i sa migpeangay kenagdi, kesaligan polo sa langun igtulù di enù ka endà egbutbut di.

Huwan 7:18 ပူးပေါင်းရင်းမြစ်များ

Matéyo 6:9

Huenan di, amuk sumimbà yu, ilingi yu ini i, guwaen yu, ‘O Emà ké diyà langit, ungayà ké oloen ka etaw.

Huwan 11:4

Agulé, egoh i Hésus migdineg iya wé, guwaen di, “Beken sa kepatay di sa ketamanan siini linadu i Lasalo. Dodoo iya polo sa pesuwan di eglinadu anì meolò Nemula i owoy meolò ma sa Anak di danà iya wé.”

Huwan 12:28

Agulé, egsimbà Hésus i, guwaen di, “O Emà, pehauwi ko sa dakel egkegaga ko diyà sa medoo etaw.” Hê, egoh di mig-ikagi iya wé, duen sa eg-ikagi kedu langit, guwaen di, “Igpehaa ku dé sa dakel egkegaga ku danà sa medoo binaelan ko, owoy uman pa ipehaa ku.”

Huwan 12:43

Iglidung da sa kepigtuu da enù ka apiya di pa ungayà da metuuwan Nemula i diyà kenagda, uman doo dakel sa uyot da oloen etaw.

Huwan 5:41

Guwaen i Hésus, “Na, beken iya sa ungayà ku egpeolòolò a diyà etaw,

Huwan 8:54

Egsagbì Hésus i, guwaen di, “Amuk egpedakelen ku aken, endà duen ulan di iya wé. Dodoo iya polo sa egpedakel kenak si Nemula Emà ku. Guwaen yu dò kagdi sa Nemula egsaligan yu,

1 Tésalonika 2:6

Endà linagbet ké duu sa keolò sa medoo etaw kenami, ataw ka kiyu ataw ka sa duma etaw.

1 Pidelu 4:11

Amuk kuna sa binegayan i Nemula egkegaga anì tumegudon, iya daa sa itegudon ko sa kagi i Nemula. Amuk kuna sa tegebulig duma ko, udesi ko buligi enù ka egbegayan i Nemula kuna sa egkegaga ko. Sumalà dé sa igsugù i Nemula keniyu, pepion yu sa kebael yu anì meolò Nemula i danà sa tabang i Hésus Kelistu keniyu, enù ka kagdi daa sa meolò ta owoy kagdi daa sa épê dakel egkegaga taman melugay.

1 Huwan 2:29

Netiigan ta dé metiengaw Kelistu i, huenan di netiigan ta ma amuk metiengaw sa egbaelan sa etaw, iya sa tandà di inanak i Nemula dé.