Huwan 6:7 - Kagi nemula (Word of God)

⁷ Migsagbì Pilipi i, guwaen di, “Apiya di pa sa nekuwa etaw eggalebek taman walu gebulan, tapay doo endà mekegaga di iya wé ibeli ta kaenen. Apiya tigtukééykééyen sa kepekaen ta kenagda, tapay doo kulang enù ka medoo da temù.”

Huwan 6:7 ပူးပေါင်းရင်းမြစ်များ

Matéyo 18:28

“Agulé egoh sa maama miglegkang dahiya, nesiegungan di diyà dalan sa sebaen duma di nekeutang tukééy daa pilak diyà kenagdi. Hê, egpelengen di kagdi, owoy guwaen di, ‘Bayadi ko dé sa utang ko kenak.’

Malkos 6:37

Dodoo guwaen i Hésus, “Kiyu polo sa megay kaenen da.” Agulé guwaen da, “Apiya sa duwa gatus pilak, tapay doo endà mekegaga di ibeli epan amuk ipekaen ta diyà siini medoo etaw.”

Huwan 1:43

Na, egoh di sumimag, ungayà i Hésus mangay dutu tanà Galiliya dò. Agulé hinaa di Pilipi i, owoy guwaen di diyà kenagdi, “Unut ka kenak.”

Huwan 1:44

Na, kedu diyà Bétsaida Pilipi i, owoy iya ma sa menuwa kenà da eg-ugpà si Andelis owoy si Pidelu.

Huwan 1:45

Agulé, hinaa i Pilipi Natanayél i, owoy guwaen di, “Hinaa ké dé sa etaw igsulat i Mosis egoh anay diyà sa libelu sa uledin i Nemula, owoy kagdi ma sa igsulat sa medoo tegesugkow i Nemula egoh anay. Kagdi si Hésus tegeNasalét, sa anak i Hosé.”

Huwan 1:46

Dodoo guwaen i Natanayél, “Endà duen sa mepion kedu diyà Nasalét.” Guwaen i Pilipi, “Na, mangay ki dutu anì hauwen ko.”

Huwan 1:48

Agulé eg-igsà Natanayél i, guwaen di, “Maen di ya egkilalaen ko aken?” Guwaen i Hésus egsagbì, “Egoh i Pilipi endà pa mig-angay keniko, hinaa ku kuna diyà sa pesu kayu pigus.”

Huwan 12:5

“Ay! Nelemet iya wé lana. Mepion polo hedem amuk dagangen anì mekuwa sa medoo pilak anì itukidtukid da ibegay diyà sa medoo pubeli, enù ka mapulù sa lagà di enù ka egpekeuma sa sukay etaw eg-ulenal taman segepalay.”