Huwan 3:34 - Kagi nemula (Word of God)

³⁴ Na, sa etaw pineangay i Nemula diyà tanà, kagdi sa egtulon sa kagi i Nemula enù ka tigtu pineugpà i Nemula sa Metiengaw Suguy di diyà kenagdi.

Huwan 3:34 ပူးပေါင်းရင်းမြစ်များ

Matéyo 12:18

guwaen di, “Ini sa tigtu sinaligan ku hinemilì ku. Eghiduwan ku temù owoy netuuwan a diyà kenagdi. Peugpaen ku sa Metiengaw Suguy ku diyà kenagdi. Tulonen di sa metudà adat ku diyà sa langun etaw, lapeg sa etaw beken Hudiyu anì mealukan da.

Lukas 4:18

“Sa Suguy i Datù Nemula eg-ugpà diyà kenak, enù ka hinemilì di aken anì itulù ku sa Mepion Tegudon diyà sa medoo etaw pubeli. Pinesugkow i Datù aken diyà sa medoo etaw sinabaan anì tulonen ku kenagda sa ukit kelengà di. Pinesugkow a ma diyà sa medoo langap anì tulonon ku kagda sa ukit kepeilag i Datù. Sinugù di ma aken anì alukan ku sa medoo egpelihayen,

Huwan 1:16

Na, danà sa tigtu dakel ketabang ipeuloy di kenita, takaan di kita egtabang taman melugay.

Huwan 15:26

“Na, peangayen ku diyà keniyu sa Tegetabang kedu diyà si Emà. Iya sa Metiengaw Suguy i Nemula tumulù sa tuu tegudon. Amuk tumebow diyà tanà kedu diyà si Emà, ipetiig di ma sa denu kenak diyà sa medoo etaw.

Huwan 16:7

Dodoo tuu ini i eg-ikagiyen ku diyà keniyu. Uman pa mepion amuk salidan ku kiyu, enù ka upama amuk endà mipanaw a, endà tumebow sa Tegetabang diyà keniyu. Dodoo amuk mipanaw a, peangayen ku kagdi diyà keniyu.

Huwan 3:17

Pineangay i Nemula sa Anak di diyà tanà anì alukan di sa langun etaw. Beken iya sa pesuwan di anì pigtamayan di sa langun etaw.

Huwan 5:26

Danà i Emà sa egpelalù etaw taman melugay, binegayan di ma aken egkegaga anì mekepelalù a etaw taman melugay.

Huwan 7:16

Egsagbian i Hésus kagda, guwaen di, “Beken naken penemdem daa ini i igtulù ku, dodoo danà polo i Nemula migpeangay kenak.

Huwan 8:40

Dodoo apiya di pa tinulù ku kiyu sa tuu tegudon igpetiig i Nemula diyà kenak, egkelukuyan yu polo aken eg-imatay. Beken hediya sa binaelan i Ablaham.

Huwan 8:47

Amuk anak i Nemula sa etaw, migtuu doo diyà sa kagi i Nemula. Dodoo kiyu, endà egpigtuu yu diyà sa kagi di enù ka beken anak di kiyu ya.”

Binaelan 1:2

taman sa egoh di nebatun dutu langit dò. Egoh di neenaw dema egoh di nematay, takà egpehaa Hésus i diyà sa medoo salu di hinemilì di owoy tinulù di ma kagda denu sa kedatù i Nemula. Taman epat pulù agdaw, takà egpehaa Hésus i diyà kenagda. Huenan di, tigtu egketiigan da nehagtay dema Hésus i enù ka hinaa da kagdi. Egoh di endà pa nebatun dutu langit dò, tinulù di kagda danà sa egkegaga sa Metiengaw Suguy i Nemula.

Binaelan 10:38

Netiigan yu ma doo pineluhuban i Nemula Hésus i tegeNasalét sa Metiengaw Suguy di owoy tinunungan di kagdi. Sumalà dé sa inangayan di, egbaelan di sa mepion owoy egbulungan di ma sa medoo etaw kinudì i Satanas, enù ka egtabangan i Nemula kagdi.

Loma 8:2

Enù ka danà ta nesesebaen si Hésus Kelistu, duen dé sa magtu lalù ibegay sa Suguy i Nemula diyà kenita. Huenan di, nelaun ki dé diyà sa tapay pedu ta tegebael salà, owoy endà ma dé meagak ki diyà sa kepatay taman melugay.

Kolosas 1:19

Enù ka iya sa uyot i Nemula nekediyà si Kelistu sa langun kenemulawan di.

Kolosas 2:9

Iya sa kagi ku diyà keniyu enù ka neetaw Kelistu i diyà tanà owoy duen ma sa hagdi lawa. Apiya di pa etaw diyà tanà, tigtu Nemula doo.

Kepehaa I Hésus Kelistu 21:6

Guwaen di ma, “Netuu dé sa langun binaelan ku. Aken sa Alpa owoy Oméga, enù ka aken sa edungan sa langun eghauwen owoy sa ketamanan di. Amuk eglupahan sa etaw, peinemen ku diyà sa tebulan mekepelalù etaw taman melugay, owoy ipeuloy ku daa diyà kenagdi.

Kepehaa I Hésus Kelistu 22:1

Agulé, igpehaa ma sa egsugùsuguen i Nemula diyà kenak sa lawaꞌt wayeg pinengadanan Wayeg Mekepelalù Etaw. Tigtu metiengaw iya wé wayeg nekeiling pegalungan. Egdelug sa wayeg kedu diyà sa bangkù i Nemula owoy sa Anak Kebilibili.