Huwan 13:18 - Kagi nemula (Word of God)

¹⁸ “Dodoo beken langun yu sa eg-ikagiyan ku, enù ka netiigan ku doo sa pedu sa uman sebaen etaw hinemilì ku. Duen sa sebaen etaw diyà keniyu tumampil diyà sa medoo kuntelà ku anì meketuu sa kagi i Nemula igpesulat egoh anay, guwaen di, ‘Iya sa kumuntelà kenak sa sebaen duma ku doo meseselengan kumaen.’

Huwan 13:18 ပူးပေါင်းရင်းမြစ်များ

Matéyo 10:36

Owoy iya sa tigtu egkesekuntelà sa etaw sa medoo duma di diyà sa dalesan di.

Matéyo 26:21

Egoh da egkaen pelawà, guwaen i Hésus, “Tuu ini i eg-ikagiyen ku diyà keniyu. Duen diyà keniyu sa sebaen etaw tumampil diyà sa medoo kuntelà ku anì meimatayan a.”

Matéyo 26:23

Egsagbì Hésus i, guwaen di, “Iya sa megay kenak diyà sa medoo kuntelà ku sa sebaen duma ku egkesetugen egkaen diyà siini bilu.

Malkos 14:17

Na, egoh di mahapun dé, egkesetipon da Hésus i owoy sa sepulù owoy duwa salu di diyà sa dalesan.

Malkos 14:18

Agulé, egoh da egkaen pelawà diyà sa lamisan, eg-ikagi Hésus i, guwaen di, “Tuu ini i eg-ikagiyen ku diyà keniyu. Duen sa sebaen etaw diyà keniyu duma ta egkaen ini egoh di sa megay kenak diyà sa kuntelà ku anì meimatayan a.”

Malkos 14:20

Migsagbì Hésus i, guwaen di, “Iya sa megay kenak diyà sa medoo kuntelà ku sa sebaen etaw diyà keniyu i sepulù owoy duwa salu ku. Kagdi sa duma ku egkesetugen egkaen diyà siini bilu.

Lukas 22:21

Agulé guwaen i Hésus, “Dodoo, haa yu. Duen sa sebaen duma ta egkaen diyà siini lamisan ta ini egoh, sa maama megay kenak diyà sa kuntelà ku.

Huwan 13:21

Na, egoh i Hésus ubus eg-ikagi iya wé, tigtu egkebukul sa pedu di. Agulé, guwaen di diyà sa medoo salu di, “Tuu ini i eg-ikagiyen ku diyà keniyu. Duen diyà keniyu sebaen etaw tumampil diyà sa kuntelà ku anì meimatayan a.”

Huwan 13:22

Egoh sa medoo salu di migdineg iya wé, negaip da owoy egseinengtengay da, enù ka endà netiigan da duu tayu di etaw iya wé inikagi di.

Huwan 13:26

Migsagbì Hésus i, guwaen di, “Iya sa etaw tumampil sa begayan ku siini epan idamù ku diyà sa sabaw.” Hê, igdamù i Hésus sa epan owoy igbegay di diyà si Hudas anak i Simon Iskaliyot.

Huwan 15:16

Beken kiyu sa mighemilì kenak, dodoo aken polo sa mighemilì keniyu. Ginelal ku ma kiyu anì mangay yu tumulù anì kumedoo temù sa bunga yu endà mekedan di. Huenan di, sumalà dé sa egpegeniyen yu diyà si Emà danà yu egpigtuu diyà kenak, ibegay di doo diyà keniyu.

Huwan 15:19

Upama, amuk munut yu sa etaw endà egpigtuu, loyuken da doo kiyu. Dodoo endà eg-unut yu diyà kenagda, enù ka hinemilì ku dé kiyu. Huenan di, egkelepuhan da doo kiyu.

Huwan 15:25

Na, danà sa kelepuh da kenak, neketuu dé sa kagi i Nemula igpesulat egoh anay, guwaen di, ‘Apiya di pa endà duen sa pesuwan da egkelepuh kenak, kelepuhan da doo aken.’

Huwan 17:12

Egoh ku pelà diyà kenagda, mepion sa ketulik ku kenagda danà sa egkegaga ko igsalig ko diyà kenak. Egtulikan ku kagda, owoy endà duen sebaen mekesugsug diyà kenagda, liyu daa sa etaw migtangkà diyà kenak danà sa medaet ungayà di. Dodoo danà iya wé binaelan di, neketuu doo sa kagi ko igpesulat.

Huwan 18:32

Na, iya sa inikagi da enù ka meketuu sa kagi i Hésus denu sa kepatay di diyà sa kayu igbugsud.

Huwan 19:24

Egseolomoy da, guwaen da, “Endà mepion di amuk lisien ta ini i, mepion polo sekusingay ki anì metiigan ta tayu sa mekekuwa.” Na, danà iya wé egbaelan da, neketuu dé sa kagi i Nemula igpesulat egoh anay, guwaen di, “Sebaeden da sa ginis ku, owoy sekusingen da ma sa kawal ku.” Hediya ma sa binaelan sa medoo sundalu diyà sa ginis i Hésus.

Huwan 19:36

Na, danà iya wé binaelan da diyà si Hésus, neketuu dé sa kagi i Nemula igpesulat, guwaen di, “Endà duen sebaen tuelan di metepù.”

Huwan 21:17

Agulé, eg-igsà dema Hésus i sa ketelu di gulê, guwaen di, “O Simon anak i Huwan, eghiduwan ko pa aken temù?” Hê, egkebukul sa pedu i Pidelu enù ka telu gulê dé sa keigsà i Hésus amuk eghiduwan di. Huenan di, guwaen i Pidelu, “O Datù, netiigan ko doo langun. Netiigan ko ma eghiduwan ku kuna.” Agulé guwaen i Hésus diyà kenagdi, “Ipat ko dé sa medoo etaw ku lagà sa kebilibili ku.

Huwan 6:70

Agulé guwaen i Hésus, “Apiya di pa aken sa mighemilì keniyu sepulù yu owoy duwa salu ku, duen doo sebaen etaw i Satanas diyà keniyu.”

Binaelan 1:16

“O medoo loyuk ku, neketuu dé sa kagi igpesulat sa Suguy i Nemula diyà si Dabid egoh anay denu si Hudas sa eg-enggat sa medoo etaw anì egsigkemen da Hésus i.

Binaelan 1:2

taman sa egoh di nebatun dutu langit dò. Egoh di neenaw dema egoh di nematay, takà egpehaa Hésus i diyà sa medoo salu di hinemilì di owoy tinulù di ma kagda denu sa kedatù i Nemula. Taman epat pulù agdaw, takà egpehaa Hésus i diyà kenagda. Huenan di, tigtu egketiigan da nehagtay dema Hésus i enù ka hinaa da kagdi. Egoh di endà pa nebatun dutu langit dò, tinulù di kagda danà sa egkegaga sa Metiengaw Suguy i Nemula.

2 Kolintu 4:5

Beken kami sa egtegudonen ké, dodoo iya polo sa egtegudonen ké si Hésus Kelistu sa Datù ta. Dodoo, lagà ké polo sa egsugùsuguen yu enù ka egtuluen ké kiyu danà sa kehidu ké si Hésus.

Hibelu 4:13

Endà duen sa mekelidung diyà si Nemula, enù ka meawangan doo langun owoy eghauwen di sa langun egbaelan ta. Kagdi sa umigsà kenita kani denu sa langun binaelan ta owoy sa langun penemdem ta.

Kepehaa I Hésus Kelistu 2:23

Imatayan ku ma sa medoo etaw eg-unut diyà sa igtulù di. Iya sa baelan ku anì metiigan sa langun etaw egpigtuu aken sa neketiig sa langun pedu yu owoy sa langun penemdem yu ma, owoy metiigan da ma aken sa megay diyà sa uman sebaen etaw sa hagdi untung nekesugat denu sa binaelan di.