Huwan 10:32 - Kagi nemula (Word of God)

³² Dodoo guwaen i Hésus diyà kenagda, “Igpehaa ku dé sa medoo mepion panduan igpebael i Emà ku diyà kenak. Tayu sa binaelan ku pesuwan di egbuungen yu aken batu?”

Huwan 10:32 ပူးပေါင်းရင်းမြစ်များ

Matéyo 11:5

Nekeilag dé sa medoo langap, owoy nekebigkat ma dé sa medoo pikat. Nelikuan ma dé sa medoo etaw eglinadu dempid, owoy nekedineg ma dé sa medoo bisuwen, owoy mig-enaw ma sa medoo nematay. Owoy nekedineg ma dé sa medoo pubeli etaw sa Mepion Tegudon denu kenak.

Huwan 10:25

Egsagbì Hésus i, guwaen di, “Tinulon ku dé iya wé diyà keniyu, dodoo endà egpigtuu yu diyà kenak. Binaelan ku sa medoo panduan danà sa egkegaga igbegay i Emà diyà kenak, owoy iya sa tandà di aken sa sinugù di.

Huwan 10:31

Egoh sa medoo Hudiyu migdineg iya wé inikagi i Hésus, eghudut da dema batu buungen da enù ka imatayan da hedem.

Huwan 10:33

Egsagbì da, guwaen da, “Beken danà sa medoo panduan binaelan ko sa pesuwan di buungen ké kuna batu, dodoo danà ko daa migsumbung si Nemula. Apiya di pa etaw ka daa diyà tanà, guwaen ko dò nesetepeng yu si Nemula.”

Huwan 10:37

Upama amuk endà egbaelan ku duu sa medoo panduan igpebael i Emà diyà kenak, yoko egpigtuu ya diyà kenak.

Huwan 5:36

Dodoo miglowon pa sa ketulon i Nemula denu kenak diyà sa ketulon i Huwan denu kenak, enù ka sa medoo panduan binaelan ku igpebael i Emà diyà kenak, iya sa tandà di aken sa pineangay i Nemula.

Binaelan 10:38

Netiigan yu ma doo pineluhuban i Nemula Hésus i tegeNasalét sa Metiengaw Suguy di owoy tinunungan di kagdi. Sumalà dé sa inangayan di, egbaelan di sa mepion owoy egbulungan di ma sa medoo etaw kinudì i Satanas, enù ka egtabangan i Nemula kagdi.

Binaelan 2:22

“Na, o medoo duma ku tugod i Islaél, dinegdineg yu, hih, sa eg-ikagiyen ku diyà keniyu. Si Hésus tegeNasalét sa Tigtu Datù sinugù i Nemula diyà tanà. Iya sa tandà di kagdi sa pineangay i Nemula sa medoo tandà hinaa yu owoy sa medoo panduan igpebael i Nemula diyà kenagdi. Netiigan yu dé enù ka diyà keniyu sa egoh di egbael iya wé.

1 Huwan 3:12

Yoko eg-iling duu si Kain, enù ka etaw i Satanas owoy inimatayan di sa hadi di maama. Iya sa pesuwan di mig-imatay enù ka medaet sa egbaelan di dodoo mepion polo sa egbaelan sa hadi di.