Huwan 1:6 - Kagi nemula (Word of God)

⁶ Na, duen sa maama sinugù i Nemula. Iya sa ngadan di si Huwan.

Huwan 1:6 ပူးပေါင်းရင်းမြစ်များ

Matéyo 11:10

Enù ka igpesulat i Nemula sa denu si Huwan egoh anay, guwaen di, ‘Duen sa egsugùsuguen ku pehunawen ku diyà keniko anì upionen di sa ukitan ko tumebow.’

Matéyo 21:25

Enù di ya, ngadan sa migsugù si Huwan egoh di migbautis sa medoo etaw diyà wayeg, ataw ka si Nemula ataw ka sa etaw daa?” Agulé, egsesigbolowoy da denu sa isagbì da, guwaen da, “Amuk sumagbì ki, guwaen ta, ‘Si Nemula sa migsugù kenagdi,’ sumulì mikagi Hésus i, guwaen di, ‘Maen di ya endà egpigtuuwen yu duu?’

Lukas 1:13

Dodoo guwaen sa egsugùsuguen i Nemula, “Yaka egkelimedangan na, o Sakaliyas, enù ka dinineg i Nemula sa kesimbà ko. Umanak maama sa sawa ko si Ilisabét, owoy iya sa pengadani ko, si Huwan.

Lukas 1:76

O anak ku, melugaylugay pa kuna sa tegesugkow i Nemula, sa Nemula tigtu eglowon diyà langun. Mekehuna ka si Datù anì abung-abungan ko sa ukitan di tumebow.

Huwan 1:33

Egoh anay, endà pa netiigan ku duu si Hésus sa Tigtu Datù sinugù i Nemula. Dodoo si Nemula sa migsugù kenak anì mautis a etaw diyà wayeg, migtulon diyà kenak, guwaen di, ‘Amuk hauwen ko sa Metiengaw Suguy ku petuntun mangay mugpà diyà sa etaw, kagdi sa etaw hinemilì ku anì ibautis di etaw sa Metiengaw Suguy ku.’

Huwan 3:28

Netiigan yu doo sa inikagi ku egoh anay, guwaen ku, ‘Beken aken sa Tigtu Datù sinugù i Nemula, dodoo pineangay i Nemula aken anì abungan ku sa ukitan i Datù tumebow.’

Binaelan 13:24

Egoh i Hésus endà pa egtulù, egtegudon Huwan i diyà sa langun tugod i Islaél anì ekedan da sa salà da anì egpebautis da ma.