Hibelu 8:9 - Kagi nemula (Word of God)

⁹ Owoy siini magtu ukit, beken lagà sa tapay ukit binaelan ku diyà sa medoo tupù da egoh anay egoh ku mig-uwit kenagda kedu diyà tanà Igiptu. Endà egpangunut da diyà sa medoo igsugù ku diyà siedò tapay ukit, huenan di ininiyugan ku kagda,” guwaen i Nemula.

Hibelu 8:9 ပူးပေါင်းရင်းမြစ်များ

Malkos 8:23

Agulé, inagak i Hésus sa langap migliyu da diyà sa menuwa. Egoh di migdulét ngingi di diyà mata sa langap, egsabaan di owoy eg-igsaan di, guwaen di, “Duen pa sa eghauwen ko?”

Binaelan 13:11

Na, melangap ka dé ini egoh di, enù ka pigtamayan i Nemula kuna. Endà umilag ka taman melugaylugay.” Hê petow dé linabunan sa mata di, owoy endà ma eg-ilag di. Huenan di, egpeakap-akap eglagbet sa etaw umagak kenagdi.

Binaelan 7:36

Huenan di, si Mosis sa mig-uwit sa medoo tupù ta egoh da miglegkà diyà tanà Igiptu, owoy binaelan di sa medoo panduan owoy sa medoo tandà egkegaipan etaw diyà Igiptu owoy diyà sa Melalegà Dagat, owoy diyà sa melabel tanà mediyù dalesan taman epat pulù gepalay.

Binaelan 9:8

Agulé egtigdeg Saulo i, dodoo egoh di eglimata, endà dé eg-ilag di. Huenan di, egsabaan da sa belad di owoy eg-agaken da diyà Damasko.

Galatiya 4:24

Na, iya sa selepangan sa duwa sawa i Ablaham lagà sa duwa pasad ukitan etaw mangay diyà si Nemula. Si Hagal sa bayi udipen, kagdi lagà sa uledin igbegay i Nemula diyà si Mosis dutu Getan Sinay dò. Huenan di, lagà neudipen ma sa langun etaw tugod di egpangunut diyà sa uledin.