Hibelu 4:7 - Kagi nemula (Word of God)

⁷ Netiigan ta tuu iya wé enù ka duen pelà ini egoh di sa agdaw hinemilì i Nemula egoh sa etaw mekeangay diyà sa mepion kenà da umugpà tinapay di. Enù ka egoh di nekeuma dé medoo gepalay, igpesulat i Nemula diyà si Datù Dabid ini i igsulat ku, guwaen di, “Ini egoh di amuk egdinegen yu sa kagi i Nemula, yoko egpetegas duu sa ulu yu.”

Hibelu 4:7 ပူးပေါင်းရင်းမြစ်များ

Matéyo 22:43

Agulé guwaen i Hésus, “Amuk tuu iya wé, maen di ya guwaen i Dabid si Mésayas sa Datù di? Enù ka pinesulat sa Suguy i Nemula Dabid i egoh anay, guwaen di,

Malkos 12:36

Na, tuu iya wé inikagi da, dodoo pinesulat sa Metiengaw Suguy i Nemula Dabid i egoh anay, guwaen di, ‘Ini sa kagi i Datù Nemula diyà sa Datù ku, guwaen di, Penuu ka dahini denu kuwanan ku taman atuwan ku sa medoo kuntelà ko owoy ipeutuh ku keniko.’

Lukas 20:42

Na, tuu iya wé inikagi da, dodoo guwaen i Dabid si Kelistu sa Datù di egoh di migsulat ini i diyà sa sebaen libelu ta, Isalem, guwaen di, ‘Ini sa kagi i Datù Nemula diyà sa Datù ku, guwaen di, Penuu ka dahini denu kuwanan ku

Binaelan 2:29

“O medoo loyuk ku, metumàmà sa kagi ku diyà keniyu denu sa tupù ta si Dabid. Egoh anay nematay Dabid i owoy iglebeng dé dalem sa batu tinosongon etaw. Tapay doo duen sa lebeng di diyà kenita taman ini egoh di.

Binaelan 2:31

Egoh anay netiigan i Dabid sa baelan i Nemula, huenan di migtulon denu sa keenaw sa Tigtu Datù sinugù i Nemula, guwaen di, ‘Endà metangtang di dutu bayà dò, owoy endà ma meledak sa lawa sa etaw hinemilì di.’

Binaelan 28:25

Endà nesetepeng sa pedu da. Nesepalak da egoh i Pabelo mig-ikagi ini i diyà kenagda, guwaen di, “Tuu sa kagi igpesugkow sa Metiengaw Suguy i Nemula diyà si Isayas egoh anay, enù ka guwaen di denu sa medoo tupù ta,

Hibelu 3:15

Na, taa yu siini kagi i Nemula igpesulat, guwaen di, “Ini egoh di amuk egdinegen yu sa kagi i Nemula, yoko egpetegas duu sa ulu yu. Yoko eg-iling nga sa medoo tupù yu, enù ka migketegas sa ulu da, owoy endà egpangunut da diyà si Nemula.”