Hibelu 1:8 - Kagi nemula (Word of God)

⁸ Dodoo tigesa sa kagi i Nemula denu sa Anak di, enù ka guwaen di diyà kenagdi, “Kuna si Nemula; endà duen ketamanan sa kedatù ko taman melugay. Tigtu metudà sa kedatù ko.

Hibelu 1:8 ပူးပေါင်းရင်းမြစ်များ

Matéyo 1:23

“Hê, umobol sa kenogon owoy umanak maama pengadanan da si Imanuwél.” Na, ini sa selepangan di, diyà dé kenita Nemula i.

Lukas 1:75

Iya maen di ya anì metiengaw sa pedu ta owoy metudà sa adat ta diyà sa kehaa di taman sa lugay ta nehagtay.

Huwan 10:30

Enù ka nesesebaen ké daa si Emà.”

Huwan 10:33

Egsagbì da, guwaen da, “Beken danà sa medoo panduan binaelan ko sa pesuwan di buungen ké kuna batu, dodoo danà ko daa migsumbung si Nemula. Apiya di pa etaw ka daa diyà tanà, guwaen ko dò nesetepeng yu si Nemula.”

Huwan 20:28

Hê, guwaen i Tomas, “Kuna sa Datù ku owoy sa Nemula ku ma.”

Loma 9:5

Owoy eglalag ma sa tupù da hinemilì di egoh anay. Egoh i Kelistu sa Tigtu Datù ta neetaw diyà tanà, miglesut diyà sa medoo tugod da Hudiyu. Kagdi sa Nemula meolò ta taman melugay. Amin.

1 Kolintu 15:25

Dodoo medatù pelawà Kelistu i taman atuwan i Nemula sa langun kuntelà di owoy ipeutuh di kenagdi.

1 Timotiyu 3:16

Na, tigtu tuu, dakel temù sa tegudon egpigtuuwen ta igpetiig i Nemula diyà kenita. Neetaw Hésus Kelistu i owoy mig-angay diyà tanà. Igpetiig sa Metiengaw Suguy i Nemula metiengaw kagdi i, owoy migpehaa ma diyà sa medoo egsugùsuguen i Nemula. Kagdi sa tinulon diyà sa medoo balangan etaw diyà siini sinukub langit, owoy sa pinigtuu sa medoo etaw diyà tanà, owoy sa nebatun dutu langit dò.

2 Pidelu 1:11

Huenan di, tigtu meanggan ki temù enù ka mekeunut ki diyà sa kedatù i Hésus Kelistu sa Datù ta Tegealuk kenita. Endà meelut sa kedatù di.

1 Huwan 5:20

Netiigan ta ma mig-angay sa Anak i Nemula diyà tanà owoy igbegay di diyà kenita sa tuu penemdem anì melayaman ta sa tuu Nemula. Eg-ugpà ki diyà sa tuu Nemula danà ta eg-ugpà diyà sa Anak di si Hésus Kelistu. Kagdi si Nemula, owoy kagdi sa egbegay lalù endà meelut di.