Épéso 5:23 - Kagi nemula (Word of God)

²³ Enù ka sa maama sa ulu diyà sa sawa di, iling si Kelistu sa ulu diyà sa umpungan di, owoy alukan di kita i lagà lawa di.

Épéso 5:23 ပူးပေါင်းရင်းမြစ်များ

Binaelan 20:28

Huenan di, tulik yu. Ipat yu sa langun etaw egpigtuu, enù ka sa Metiengaw Suguy i Nemula sa miggelal keniyu anì ipaten yu kagda lagà sa keipat kebilibili. Hediya ma, ipat yu sa umpungan i Nemula, enù ka kita dé sa etaw di danà sa Anak di nematay.

1 Kolintu 6:13

Tuu, duen sa kaenen ta danà sa getek ta, owoy duen sa getek ta danà sa kaenen ta. Dodoo duwa da endà melalù enù ka kedanan i Nemula imet. Na, beken iya sa pesuwan di pineduen i Nemula sa lawa ta amuk migà ki, dodoo pineduen di sa lawa ta anì mekeunut ki polo diyà si Datù, owoy si Datù sa umipat sa lawa ta.

Épéso 4:15

Dodoo takà ki daa seolomoy sa tuu kagi danà ta egkesehidu. Amuk hediya, kumeeles sa kepigtuu ta owoy muman ki miling si Kelistu diyà sa egbaelan ta. Kagdi sa ulu ta,

Épéso 5:24

Huenan di, tigtu mekepangunut sa bayi diyà sa sawa di, lagà sa kepangunut ta si Kelistu.

Kolosas 1:18

Kagdi sa ulu ta owoy iya sa lagà lawa di sa langun etaw egpigtuu. Owoy kagdi ma sa egpelalù kenita taman melugay, enù ka kagdi sa anay etaw neenaw egoh di nematay anì endà mematay di uman. Huenan di, endà duen sa miglowon diyà kenagdi, apiya sebaen.

1 Tésalonika 1:10

Egtulonen da ma sa keangat-angat yu sa Anak di kedu langit dò, si Hésus. Kagdi sa inenaw i Nemula egoh di nematay, owoy kagdi sa eg-aluk kenita diyà sa kepigtamay i Nemula tumebow.

Kepehaa I Hésus Kelistu 19:7

Meanggan ki temù owoy meolò ta kagdi danà sa dakel egkegaga di, enù ka neuma dé sa pista kawing sa Anak Kebilibili owoy tapay dé migpepion sa pinelagaan bayi sawaen di.

Kepehaa I Hésus Kelistu 5:9

Egduyuy da ma sa magtu duyuy, guwaen da, “Mapulù ka enù ka kuna sa mekegaga kumuwa sa kalatas dinilin, owoy kuna daa sa mekegaga kumedan sa tandà igpedeket dahiya, enù ka inimatayan ka egoh anay, owoy danà sa depanug ko egoh ko nematay, tinigtuwan ko sa salà sa langun etaw anì mebaluy da ma etaw i Nemula. Kedu da diyà sa langun balangan geumpung etaw owoy sa langun balangan kagi etaw owoy sa langun balangan etaw owoy sa langun balangan tanà.