Binaelan 21:9 - Kagi nemula (Word of God)

⁹ Duen sa epat anak di kenogon egtulon sa kagi i Nemula egtebowtebow.

Binaelan 21:9 ပူးပေါင်းရင်းမြစ်များ

Lukas 2:36

Na, duen ma diyà sa Dalesan i Nemula sa tegesugkow i Nemula bayi. Iya sa ngadan di, si Ana. Kagdi sa anak i Panuél sa duma tugod i Asél. Lukes temù siini bayi balu enù ka walu pulù owoy epat gepalay dé, owoy pitu gepalay daa sa lugay di épê sawa. Uman agdaw owoy uman sigep eg-ugpà diyà sa Dalesan i Nemula enù ka takà eg-olò si Nemula. Egtakaan di ma egpeulan sa kekaen di anì sumimbà.

Binaelan 13:1

Na, diyà sa umpungan i Hésus diyà Antiokiya, duen sa etaw tegetulon sa kagi i Nemula egtebowtebow owoy duen ma sa tegetulù sa kagi i Nemula. Langun da si Bilnabi, owoy si Simiyon pinengadanan da si Meitem, owoy si Lusiyo tegeSilini, owoy si Saulo, owoy si Manain sa nekeunut si Gubilenu Hélod migkedakel egoh da batà pelà.

Binaelan 2:17

‘Ini sa kagi i Nemula. Amuk buyu meuma sa sabuhanan agdaw, ipeluhub ku sa Suguy ku diyà sa langun etaw. Tumulon sa medoo anak yu, maama owoy bayi, sa kagi ku egtebowtebow diyà kenagda. Dumuen sa ipehaa ku diyà sa medoo batàbatà maama diyà keniyu. Tegeinepen ma sa medoo lukes maama diyà keniyu sa ipehaa ku kenagda.

1 Kolintu 7:38

Huenan di, mepion sa baelan sa maama amuk pesawaen di sa anak di bayi, dodoo adi-adi pa sa baelan di amuk endà pesawaen di duu.

Kepehaa I Hésus Kelistu 2:20

Dodoo duen doo sa egbaelan yu endà egkeiyapan ku duu. Enù ka mepion doo diyà keniyu amuk tumulù diyà keniyu Hésabil i, siedò bayi ubòubò egsugkow sa kagi i Nemula. Dodoo eg-akalan di sa medoo etaw ku danà di egtulù endà mesalà sa etaw gaa amuk meseuma sa lawa da sa beken sawa di owoy endà ma mesalà da gaa amuk kumaen da sa kaleni igbegay diyà sa inetaw egpenemulawen da.