Binaelan 2:18 - Kagi nemula (Word of God)

¹⁸ Tuu ini i. Amuk meuma iya wé, ipeluhub ku sa Suguy ku diyà sa medoo etaw egpangunut diyà kenak, iling ka maama ataw ka bayi, owoy tumulon da sa kagi ku egtebowtebow diyà kenagda.

Binaelan 2:18 ပူးပေါင်းရင်းမြစ်များ

Lukas 12:45

Dodoo sa kaunutan endà mipedu di, iya sa penemdem di melugay sa ketebow sa datù di. Agulé tapesen di sa egsugùsuguen maama owoy bayi, owoy takà egpista owoy eghiluwen.

Binaelan 2:17

‘Ini sa kagi i Nemula. Amuk buyu meuma sa sabuhanan agdaw, ipeluhub ku sa Suguy ku diyà sa langun etaw. Tumulon sa medoo anak yu, maama owoy bayi, sa kagi ku egtebowtebow diyà kenagda. Dumuen sa ipehaa ku diyà sa medoo batàbatà maama diyà keniyu. Tegeinepen ma sa medoo lukes maama diyà keniyu sa ipehaa ku kenagda.

Binaelan 2:19

Ipehaa ku sa medoo panduan diyà awang, owoy dumuen ma sa medoo egkegaipan etaw diyà tanà. Dumuen sa depanug owoy sa apuy owoy sa mekepal ebel.

Binaelan 21:10

Egoh ké nelugaylugay dahiya, migtebow sa tegesugkow i Nemula kedu diyà uwang Hudiya, si Agabu.

Galatiya 3:28

Na, diyà sa kehaa i Nemula, endà duen sa tayu mehagtaw diyà sa langun etaw egpigtuu. Nesetepeng sa etaw Hudiyu owoy sa beken Hudiyu, nesetepeng ma sa udipen owoy sa temù etaw, nesetepeng ma sa maama owoy sa bayi. Nesesebaen ki langun danà ta egpigtuu diyà si Hésus Kelistu.

Kolosas 3:11

Huenan di, endà duen tayu etaw mapulù diyà sa kehaa i Nemula, enù ka nesetepeng sa etaw Hudiyu owoy sa beken Hudiyu, nesetepeng ma sa etaw nekelaingan ipat owoy sa endà nekelaingan ipat, nesetepeng ma sa milantek etaw owoy sa endà milantek, nesetepeng ma sa udipen owoy sa temù etaw. Nesetepeng da langun diyà sa kehaa i Nemula, enù ka sebaen i Kelistu daa sa mapulù owoy kagdi sa Datù eg-ugpà diyà kenita langun.