2 Timotiyu 4:22 - Kagi nemula (Word of God)

²² Na, ungayà ku pebagelen i Datù sa pedu ko, owoy ungayà ku ma mekehaa yu langun sa mepion ketabang ipeuloy di. Na, taman iya daa sa kagi ku. Si Pabelo

2 Timotiyu 4:22 ပူးပေါင်းရင်းမြစ်များ

Matéyo 28:20

Tulù yu ma kagda anì mangunut da sa langun igsugù ku keniyu. Na, taa yu, hih. Takaan ku kiyu eg-unut-unut taman endà meuma sa sabuhanan agdaw.”

Loma 1:7

Huenan di, egsulat a diyà keniyu i etaw tegeLoma eghiduwan i Nemula. Hinemilì di ma kiyu anì kiyu sa etaw di. Na, egsimbà a anì mekehaa yu sa mepion ketabang ipeuloy i Nemula owoy sa melanih keugpà yu danà sa Emà ta si Nemula owoy si Datù Hésus Kelistu ma.

Loma 16:20

Na, si Nemula sa egpelanih pedu ta, kagdi sa tumabang keniyu anì tigtu yu mekeatu diyà si Satanas. Na, egsimbà a anì mekehaa yu sa mepion ketabang ipeuloy i Hésus sa Datù ta.

1 Kolintu 16:23

Na, egsimbà a anì mekehaa yu sa mepion ketabang ipeuloy i Datù Hésus.

2 Kolintu 13:14

Na, egsimbà a anì mekehaa yu langun sa mepion ketabang ipeuloy i Datù Hésus Kelistu, owoy mehiduwan yu i Nemula, owoy mesesebaen yu ma danà sa Metiengaw Suguy i Nemula eg-ugpà diyà keniyu. Na, taman iya daa sa kagi ku. Si Pabelo

Galatiya 6:18

O medoo duma ku egpigtuu, egsimbà a anì mekehaa yu langun sa mepion ketabang ipeuloy i Hésus Kelistu sa Datù ta. Amin. Na, taman iya daa sa kagi ku. Si Pabelo

Épéso 6:24

Ungayà ku ma mekehaa yu sa mepion ketabang ipeuloy i Nemula, kiyu i langun etaw mehidu si Hésus Kelistu sa Datù ta taman melugay. Na, taman iya daa sa kagi ku. Si Pabelo

Pilipos 4:23

Egsimbà ké anì mekehaa yu langun sa mepion ketabang ipeuloy i Datù Hésus Kelistu. Na, taman iya daa sa kagi ku. Si Pabelo

Kolosas 4:18

Na, si Pabelo a egsulat diyà siini sabuhanan igsulat ku diyà keniyu anì metiigan yu aken sa egsulat. Egtulonen ku ma sa mepion pedu ku diyà keniyu. Yoko egkelipeng nga egsimbà denu kenak enù ka tapay a doo nebilanggu. Egsimbà ké anì mekehaa yu sa mepion ketabang ipeuloy i Nemula diyà keniyu. Na, taman iya daa sa kagi ku. Si Pabelo

1 Timotiyu 6:21

Ekedi ko iya wé enù ka duen duma etaw guwaen da duen diyà kenagda siini tuu netiigan, dodoo eglengaan da dé sa tuu tegudon egpigtuuwen ta. Na, egsimbà a anì mekehaa yu sa mepion ketabang ipeuloy i Nemula. Na, taman iya daa sa kagi ku. Si Pabelo

Pilimon 1:25

Egsimbà a anì mekehaa yu langun sa mepion ketabang ipeuloy i Datù Hésus Kelistu. Na, taman iya daa sa kagi ku. Si Pabelo

1 Pidelu 5:14

Na, amuk egkesetipon yu, pehauwi yu sa kesehiduway yu danà yu egpigtuu. Egsimbà a anì melanih sa keugpà yu, kiyu i langun etaw i Kelistu. Na, taman iya daa sa kagi ku. Si Pidelu

Kepehaa I Hésus Kelistu 22:21

Na, egsimbà a anì metabangan i Datù Hésus kiyu i langun etaw i Nemula. Na, taman iya daa sa kagi ku. Si Huwan