2 Timotiyu 4:14 - Kagi nemula (Word of God)

¹⁴ Si Alihandelo tegetuwang galang, kinudì di aken temù, dodoo si Datù polo sa sumulì migtamay kenagdi danà sa medoo binaelan di.

2 Timotiyu 4:14 ပူးပေါင်းရင်းမြစ်များ

Loma 12:19

O medoo duma ku eghiduwan ku, yoko egsulì duu sa etaw egbael medaet diyà keniyu, enù ka si Nemula polo sa migtamay kenagda. Enù ka duen sa kagi i Nemula igpesulat, guwaen di, “Aken sa sumulì, owoy aken sa migtamay sa etaw egbael medaet diyà keniyu.”

Loma 2:6

Enù ka ibegay di diyà sa uman sebaen etaw sa untung da nesugat diyà sa binaelan da egoh anay, iling ka mepion ataw ka medaet.

2 Tésalonika 1:6

Anan metudà sa baelan i Nemula, huenan di pigtamayan di sa etaw egpelihay keniyu,

1 Timotiyu 1:20

Diya ma si Himiniyo owoy si Alihandelo. Igpeliyu ku kagda diyà sa umpungan i Hésus anì mekuwa i Satanas enù ka ungayà ku meindaw da anì lengaan da sa kesumbung da si Nemula.

2 Timotiyu 4:15

Owoy kuna ma, ingati ko, enù ka tigtu egkuntelaen di sa igtulù ké.

1 Huwan 5:16

Amuk eghauwen yu sa duma yu egbael salà dodoo beken salà mekeagak kenagdi diyà sa kepatay endà meelut di, simbai yu anì ipeuloy i Nemula sa salà di owoy mebegayan ma lalù endà meelut di. Dodoo sa etaw egbael sa salà sa pesuwan di mepigtamayan diyà sa kepatay endà meelut di, endà igsugù ku duu keniyu ipesimbà.

Kepehaa I Hésus Kelistu 18:20

Na, kiyu i etaw eg-ugpà diyà langit, keanggan yu dé danà iya wé menuwa nedaetan. Keanggani yu ma kiyu i medoo tegesugkow i Nemula owoy medoo salu i Hésus owoy medoo etaw i Nemula, enù ka pinigtamayan i Nemula dé iya wé menuwa danà sa medaet binaelan di diyà keniyu.

Kepehaa I Hésus Kelistu 18:6

Sa kedakel kepelihay di keniyu, iya ma kedakel sa baeli yu diyà kenagdi, dodoo takep yu pa sa kesulì yu kenagdi. Penù yu sa basù di sa bulitan i Nemula kenagdi anì ipeinem di anì metakep sa kebulit i Nemula mekeuma diyà kenagdi.

Kepehaa I Hésus Kelistu 6:10

Eg-ikagi da metaled, guwaen da, “O Datù Nemula, kuna daa sa épê dakel tunung. Tigtu metiengaw sa pedu ko owoy kesaligan ka. Ngadan sa lugay ké eg-angat sa kesulì ko diyà sa kinepatay ké? Nengan sa kepigtamay ko diyà sa medoo etaw eg-ugpà diyà tanà mig-imatay kenami?”