2 Tésalonika 3:3 - Kagi nemula (Word of God)

³ Dodoo kesaligan doo Datù i. Huenan di, netiigan ta pebagelen di sa kepigtuu yu owoy tulikan di kiyu anì endà meatuwan i Satanas kiyu.

2 Tésalonika 3:3 ပူးပေါင်းရင်းမြစ်များ

Matéyo 5:37

Amuk metudà sa kagi yu, ikagi yu daa ‘Hoò,’ ataw ka ikagi yu daa ‘Endà,’ enù ka amuk petuuwen yu sa kagi yu danà sa kepengibet yu, iya sa kagi kedu si Satanas.”

Matéyo 6:13

Tuliki ko kami anì endà mekeukit ké diyà sa kenà ké tepengan anì endà ma mekebael ké salà. Owoy pediyù ko kami diyà si Satanas.’”

Lukas 11:4

Peuloyi ko sa medoo salà ké, enù ka hediya ma kami ipeuloy ké ma sa salà sa medoo duma ké. Tuliki ko ma kami anì endà mekeukit ké diyà sa kenà ké tepengan anì endà ma mekebael ké salà.’”

Huwan 17:15

Endà isasà ku duu keniko amuk kedanan ko sa medoo etaw ku diyà tanà. Dodoo ini sa isasà ku keniko, tuliki ko kagda anì endà medaetan sa kepigtuu da danà i Satanas.

1 Kolintu 1:9

Kesaligan Nemula i, owoy inumow di kiyu anì mesesebaen yu sa Anak di, si Hésus Kelistu sa Datù ta.

1 Kolintu 10:13

Tuu, metepengan sa langun etaw i Nemula anì mekesalà da, dodoo sumalà dé sa kenà yu tepengan, iya ma sa mehaa sa medoo duma yu. Dodoo kesaligan Nemula i, owoy endà pandayaen di duu sa tumepeng keniyu lumowon diyà sa egkegaga yu umeked. Amuk metepengan yu, baelan di ma sa ukitan yu mekepelaguy anì meketigkel yu.

1 Tésalonika 5:24

Kesaligan sa mig-umow keniyu, owoy petuuwen di doo siini ungayà ké.

2 Tésalonika 2:17

Ungayà ké pebagelen da sa pedu yu owoy peelesen da ma anì anan mepion sa langun egbaelan yu owoy sa langun eg-ikagiyen yu ma.

2 Timotiyu 4:18

Alukan i Datù pa aken diyà sa langun medaet owoy ipaten di ma aken anì mekeunut a diyà sa kedatù di dutu langit dò. Huenan di, kagdi sa meolò ta taman endà meelut di. Amin.

1 Pidelu 5:10

Apiya di pa egkepelihay yu ini egoh di, endà melugay di mekedan. Amuk meubus sa lihay yu, guluben i Nemula kiyu owoy peelesen di ma sa kepigtuu yu owoy pebagelen di ma kiyu, enù ka kagdi sa keduwan sa langun ketabang keniyu owoy hinemilì di kiyu anì kiyu sa etaw di mekeunut kenagdi taman melugay danà yu nesesebaen si Kelistu.

2 Pidelu 2:9

Huenan di, netiigan ta mebaluy doo alukan i Nemula sa etaw egpigtuu amuk egkelikutan da, owoy mebaluy ma atuwan di sa medoo etaw tegebael medaet owoy peangaten di kagda taman endà meuma sa agdaw di tigtu migtamay kenagda.

Hudas 1:24

Na, tigtu meolò Nemula i enù ka kagdi daa sa meketulik kenita anì endà mekebael ki salà. Owoy kagdi ma sa kumedan sa salà ta anì endà duen sa salà ta mehaa di amuk mekeangay ki kani diyà sa taengan di diyà langit. Huenan di, tigtu ki meanggan temù.