2 Kolintu 8:14 - Kagi nemula (Word of God)

¹⁴ Dodoo ungayà ku polo setabangay yu langun. Amuk subela sa niyu ini egoh di, mepion amuk tabangan yu sa medoo duma yu egkepasangan. Agulé amuk meuma ma kani sa egoh yu mepasangan owoy kagda ma sa duen, metabangan da ma kiyu. Amuk hediya sa egbaelan yu, mesetabang yu langun.

2 Kolintu 8:14 ပူးပေါင်းရင်းမြစ်များ

Binaelan 4:34

Endà duen etaw pubeli diyà kenagda enù ka egdagangen da sa tanà da owoy sa dalesan da, owoy ibegay da sa pilak diyà sa medoo salu i Hésus anì itukid da ibegay diyà sa medoo duma da egkepasangan.

2 Kolintu 8:13

Beken iya sa ungayà ku amuk mepubeli yu danà sa kebegay yu tabang diyà sa medoo liyu etaw anì kumelanih sa hagda keugpà.

2 Kolintu 9:12

Enù ka amuk duen sa tabang ibegay yu, tigtu metabangan sa medoo etaw i Nemula egkepasangan, owoy beken iya daa dodoo medoo ma sa etaw umolò si Nemula danà sa ketabang yu.