2 Huwan 1:12 - Kagi nemula (Word of God)

¹² Duen pa sa medoo ikagiyen ku hedem diyà keniyu, dodoo endà isulat ku duu diyà sa kalatas, enù ka ungayà ku mangay a diyan anì mesetaeng ki seolomoy anì meanggan ki temù.

2 Huwan 1:12 ပူးပေါင်းရင်းမြစ်များ

Huwan 15:11

“Iya sa tinulon ku diyà keniyu anì meanggan yu lagà sa kekeanggan ku anì tigtu yu meanggan temù.

Huwan 16:12

“Na, duen pa hedem sa medoo kagi ungayà ku itulù ku keniyu, dodoo endà pa megaga yu duu.

Huwan 16:24

Taman ini egoh di, endà pa duen sa egpegeniyen yu diyà kenagdi danà sa kepigtuu yu diyà kenak. Dodoo edung ini egoh di, pegeni yu polo diyà kenagdi danà sa kepigtuu yu diyà kenak owoy mebegayan yu doo anì tigtu yu meanggan.”

Huwan 17:13

Na, buyu a dé lumikù diyà keniko. Dodoo isimbà ku kagda egoh ku pelà diyà tanà anì tigtu da meanggan lagà sa kekeanggan ku.

Huwan 3:29

Na upama, amuk duen sa kawing, iya sa eg-unutan sa bayi sa maama egkawingen, beken sa maama loyuk di. Dodoo sa loyuk di, meanggan ma doo amuk dinegen di sa maama eg-ikagi diyà sa bayi egsawaen di. Hediya ma aken i, lagà a sa loyuk sa maama egkawingen enù ka tigtu meanggan a ma amuk mangay sa medoo etaw diyà si Hésus.

Loma 15:24

Ungayà ku mangay a dutu tanà Espaniya dò, dodoo muna a pelawà mukit diyan. Amuk kumegaen sa pedu ku danà sa keselengenay ta, lumagbas a dutu Espaniya dò. Owoy mepion ma amuk dumuen sa tukééy tabang yu kenak diyà sa keipanaw ku.

2 Timotiyu 1:4

Uman egketulengan ku sa luhà ko egoh ku miglegkang mig-ipanaw, mebugà a humaa keniko anì meanggan a temù.

Pilimon 1:22

Na, ligò ko egpangunut, tapay ko ma sa kenà ku mugpà diyà keniyu, enù ka iya sa antap ku melengaan a owoy mekeangay a ma diyà keniyu danà sa kesimbà yu kenak.

Hibelu 13:19

Owoy tigtu a egpegeni anì isimbà yu ma aken anì medelamet a mendaa mekepelikù diyà keniyu.

Hibelu 13:23

Ungayà ku ma metiigan yu nelaun dé diyà bilangguwan sa duma ta egpigtuu, si Timotiyu. Amuk medelamet tumebow dahini, uwiten ku kagdi amuk mangay a diyan.

1 Huwan 1:4

Huenan di egsulat ké ma diyà keniyu anì megulub sa kekeanggan ta langun.

3 Huwan 1:10

Huenan di, amuk tumebow a diyan, tulonen ku pa diyà keniyu sa langun binaelan i Diotelépés, enù ka butbut sa igsumbung di kenak. Apiya di pa medaet iya wé, duen doo sa binaelan di uman pa medaet, enù ka endà egsaluan di duu sa duma ta tegetegudon amuk egtebow da diyan. Apiya di pa duen duma ta egkeiyap da egsalù kenagda, eghawidan di polo owoy hemagawan di ma hedem anì endà lumenged da amuk egkesetipon yu egsimbà.