Santiago 5:4 - Manobo Agusan

⁴ Wada now suhuyi to mgo otow no pigpaani duon to uma now. Paminogi to pagmahay no impangiyak dan! Pigdinog isab sikan to gamhanan no Ginuu no Magboboot to tibo.

Santiago 5:4 ပူးပေါင်းရင်းမြစ်များ

Mateo 9:37

Dajun ikagihi ni Jesus to mgo inanad din, “Mahan-in to ogkaliyag podom ogpaminog to Madojow no Nawnangonon. Angod sikandan to mayow-ag no uma no anihonon on, di minus to mag-anihay.

Lucas 18:7

Su ko pigtabangan din sikan bayu, Diyus pad man to kona mutabang iyu no mgo inabin din no ogpatabang kandin aedow dow madukilom. Mighona-hona kow buwa no ogyangan to Diyus to pagtabang iyu?

Roma 9:29

Meyduon isab sinuyat ni Isaias no pig-iling, “Ko sikita no mgo Hibru wada pa kae-ati to gamhanan no Diyus, wada podom ogkabilin ita, su tibo kinow ogyagyagon angod to diya pagyagyag to mgo taga-Sodoma dow taga-Gomora.”

Colosas 4:1

Sikiyu no mgo amu, dedeyjawa now to mgo suguonon now. Ibogoy to angay no igbogoy kandan, su namaan kow no meyduon isab Amu now diya to yangit.