Roma 14:11 - Manobo Agusan

¹¹ Su mey sinuyat no kagi to Diyus no pig-iling, “Ogpanapa a no og-abut to aedow no ogyuhud kanay to tibo mgo otow aw og-angkon no siakon to tinood no Diyus.”

Roma 14:11 ပူးပေါင်းရင်းမြစ်များ

Mateo 10:32

“Inggad hintawa no og-angkon kanay duon to atubangan to otow, og-angkonon ku isab duon to atubangan to Amoy ku diya to yangit.

Roma 10:9

Ko muangkon kow no Magboboot si Jesu-Cristo, aw ko ogtuu kow no pigbanhaw sikandin to Diyus, na, ogkayuwas kow.

Roma 15:9

To kona no mgo Hibru pigtabangan din isab agun masaja dan to Diyus tongod to kayuuy din. Insuyat sikan duon to Kasuyatan to Diyus no pig-iling, “Diyus ku, ogpagsakot a to kona no mgo Hibru to pagpasalamat ikow. Ogkanta a to pagsaja ikow.”

1 Juan 4:15

Inggad hintawa no og-angkon no migtuu sikandin no si Jesus Anak to Diyus, ogpabilin to Diyus duon kandin aw ogpabilin isab sikandin duon to Diyus.

2 Juan 1:7

Igpadomdom ku iyu sikan su mahan-in to ogpang-anad to gayu. Ogligujon dan seini kalibutan aw ogpang-anad no si Jesu-Cristo kona kun no Diyus no nahinang no otow. Ogpanlimbung sikandan aw ogkuntrahon dan yagboy si Cristo.

Impaaha 5:14

Sikan upat no mgo hininang mig-iling, “Sikan iyan.” Dajun yuhud sikan mgo panguyu aw simbaha dan to Diyus.