Mateo 4:8 - Manobo Agusan

⁸ Pigdaya manda si Jesus ni Satanas diya to matikang hilabi no bubungan aw ihindu kandin to tibo banwa kani to babow to kalibutan hasta to mgo kadojawan duon.

Mateo 4:8 ပူးပေါင်းရင်းမြစ်များ

Mateo 16:26

Inggad pananglit maangkon to otow to tibo kadatu kani to kalibutan, nokoy man to pues din to sikan ko magawangan sikandin to kinabuhi aw makastigu to wada katapusan? Su wada yagboy inggad nokoy no yabow to kamahal kay to kinabuhi no wada katapusan.

Mateo 4:5

Tapus to sikan, pigdaya si Jesus ni Satanas diya to siyudad to Jerusalem aw patindoga duon to matikang hilabi no bahin to Bayoy to Diyus.

Juan 5:20

Pighigugma a yagboy to Amoy ku, kaling igpakita din kanay to tibo oghinangon din. Di yabow pad to igpakita din kanay diya to umaabut no panahon agun ogkatingaya kow.

1 Pedro 1:24

Su meyduon sinuyat no kagi to Diyus no pig-iling, “To kinabuhi to otow angod to bagnot, aw to tibo no kadongganan dan angod to buyak no puli oggiti. Su to bagnot ogyanos aw to buyak ogkayapad,

Impaaha 11:15

Paghiyup to sikan ikapitu no anghil to trumpita din, meyduon naman-ikagi to maagbot diya to yangit no mig-iling, “Wadad on yain no ogmandu duon to babow to pasak. To Diyus da no Magboboot ta dow si Cristo iyan on oghari to wadad katapusan.”