Mateo 28:3 - Manobo Agusan

³ To bayhu din angod to kasiga to kilat, dow to kabo din angod to kaputi to gapas.

Mateo 28:3 ပူးပေါင်းရင်းမြစ်များ

Mateo 17:2

No duon on sikandan, pigkita dan no naisab si Jesus aw migsiga angod to sikan soga diya to yangit. To kabo din isab ogpakasilow yagboy to kaputi.

Mateo 28:4

Migpamidpid sikan namanbantoy tongod to haedok dan to sikan anghil aw katuad aw kaangod to mgo patoy.

Marcos 16:5

Pagsed dan, pigkogaan sikandan su mey pigkita dan no batan-on no otow no mig-iingkud duon dapit to kalintuu no nangabo to maputi.

Marcos 9:3

aw inggad to kabo din ogpakasilow yagboy to kaputi. Wada maglabahay kani to babow to kalibutan no ogpakapaputi to angod to diya no kaputi.

Juan 20:12

Paglinghag din, iyan pigkita din to daduwa no mgo anghil no namangabo to maputi. Naman-ingkud sikandan duon to nabotangan to yawa ni Jesus, to sobuuk duon dapit to uyuhan aw to sobuuk duon dapit to sikadan.

Hinang 1:10

No namanyanghag pad sikandan, natokawan sikandan to daduwa no ka otow no nangabo to maputi no migtindog duon to topad dan.

Impaaha 10:1

Tapus to sikan, migkita a to yain no madoson no anghil no migkonsad likat to yangit. Natongos sikandin to panganud aw natodungan to baengow. To bayhu din angod to kasiga to soga diya to yangit, aw to mgo bitiis din angod to migkakaeju no tugdok.

Impaaha 18:1

Tapus to sikan, migkita a to yain no anghil no migkonsad likat to yangit. Maaslag to katongdanan din, aw natang-awan to pasak to kasiga din.