Mateo 22:31 - Manobo Agusan

³¹ Na, sikiyu no kona ogtuu no ogkabanhaw to mgo patoy, ajaw og-ilinga no wada kow makabasa to kagi to Diyus iyu duon to Kasuyatan din no pig-iling,

Mateo 22:31 ပူးပေါင်းရင်းမြစ်များ

Mateo 12:3

Kagi ni Jesus, “Ajaw now og-ilinga no wada kow makabasa to pighinang ni Hari David to diya una no bontason sikandin dow mgo duma din.

Mateo 12:7

Meyduon sinuyat no kagi to Diyus no pig-iling, ‘Kona no iyan og-awoson ku to mgo mananap no ogtutungon no ighalad now kanay. Iyan nasi og-awoson ku no mukae-at kow to duma.’ Na, ko makasabut kow pa to sikan, kona kow podom ogpakahukum to seini wada mgo sae.

Mateo 21:16

Kaling pig-usip dan si Jesus, “Nakadinog ka to kagi to sikan mgo bata?” Kagi ni Jesus, “Hoo, pigdinog ku. Di ajaw og-ilinga no wada now kabasa duon to Kasuyatan to Diyus sikan pig-iling, ‘Inggad to mangkaintok no mgo bata pig-anad nu to pagsaja ikow, Ginuu.’ ”

Mateo 21:42

Kagi ni Jesus, “Ajaw og-ilinga no wada kow makabasa to Kasuyatan to Diyus no pig-iling, ‘Sikan batu no pig-ojowan to mgo pandoy su nailing to boot dan no wada pues iyan nasi indigon to bayoy. Trabahu sikan to Ginuu aw igkatingaya ta yagboy.’

Mateo 22:30

Su ko banhawon on to mgo patoy, wadad on og-inasawahay, su ogkaangod on man sikandan to mgo anghil diya to yangit.

Mateo 22:32

‘Siak no Diyus iyan ogsimbahon ni Abraham, ni Isaac dow ni Jacob.’ Migpasabut no inggad nayugoy da kamatoy sikan no mgo otow, buhi gihapun sikandan diya to yangit su ogpadajun man to pagsimba to Diyus. Su to mgo patoy konad ogsimba to Diyus, mgo buhi da.”

Mateo 9:13

Na, pangintaga kow dow nokoy to igpasabut to sikan kagi to Diyus no pig-iling, ‘Kona no iyan og-awoson ku to mgo mananap no ogtutungon no ighalad now kanay. Iyan nasi og-awoson ku no mukae-at kow to duma.’ Kona no iyan ing-andini ku to pagkabig to mgo otow no oghona-hona no matarong sikandan. Di iyan pig-andini ku to mgo makasasaya.”