Mateo 22:19 - Manobo Agusan

¹⁹ Na, ipakita kanay to saepi no babajaday to buhis.” Dajun dan itadwoy kandin to saepi.

Mateo 22:19 ပူးပေါင်းရင်းမြစ်များ

Mateo 17:25

“Gobay,” kagi ni Pedro. Pagpauli ni Pedro diya to bayoy, nakauna si Jesus to pag-ikagi, “Simon, nokoy man to hona-hona nu to seini? Hintawa man to ogsukutan to buhis to mgo hari kani to babow to kalibutan? To mgo anak dan ubin mgo hangilid?”

Mateo 18:28

“Di pagyuwas to sikan suguonon, meyduon ingkatagbu din no angod din no nakautang kandin to maintok da. Dajun din gujuda dow pityoka aw ikagihi, ‘Bajad ka dajun to utang nu kanay!’

Mateo 20:2

Migsasabut sikandan no ogbajadan din to nabatasan no suhue to songo aedow. Dajun paandiyaa sikandan to uma aw patrabahu-a.

Mateo 22:18

Di namaan si Jesus no madoot to tuud dan kaling mig-ikagi sikandin, “Kunungkun mgo diyusnon! Nokoy no og-antihan a now man?

Mateo 22:20

Mig-usip si Jesus, “Hintawa man bayhu dow ngadan to nakabotang kani to seini?”

Marcos 12:16

Dajun dan tadwaji si Jesus to saepi. Mig-usip si Jesus, “Hintawa man bayhu dow ngadan to nakabotang kani?” Migtabak sikandan, “Kaning hari to Roma.”

Impaaha 6:6

Meyduon isab pigdinog ku no mig-ikagi duon to kabaknaan to sikan upat no mgo hininang. Pigsugu din sikan migsakoy, “Mahala to mgo baligja. Daduwa da no salmunan no bogas ubin songo gantang da no ginaling to ogkaboli to suhue to songo aedow no pagtrabahu. Di ajaw ogdodoota to yana dow to gita to ubas.”