Mateo 11:19 - Manobo Agusan

¹⁹ Hasta siak no Anak to Otow no migpagduma-duma to pagkoon dow pag-inom, pigsawoy a dan isab. Og-ilingon a no yogodon dow palahobog dow duma to mgo magsukutay to buhis hasta duma no makasasaya. Di inggad sikan on, ogkamaanan no hustu to impang-anad ku dow to impang-anad ni Juan, su ogkitaon sikan duon to kinabuhi to mgo otow no ogtuman to pagboot to Diyus angod kanay dow ki Juan.”

Mateo 11:19 ပူးပေါင်းရင်းမြစ်များ

Mateo 5:46

Na sikiyu, ko iyan da higugmaon now to mighigugma iyu, nokoy pad man to ogkaiman now to Diyus? Su ngani man sikan matuntuhon no mgo magsukutay to buhis, di oghigugma to diya oghigugma kandan.

Lucas 14:1

Songo Aedow no Tigpahuway, pig-imbita si Jesus to songo inila no Pariseo to pagkoon diya to bayoy din. Pagtidow ni Jesus, sikan Pariseo dow mgo duma din naniid yagboy kandin

Lucas 19:7

Pagkita to mgo otow to sikan, migbagutbut sikandan, “Abee! Nokoy no ogpaabut man si Jesus duon to sikan makasasaya?”

Lucas 7:29

Na, sikan mgo otow no naminog ki Jesus, yakip to mgo magsukutay to buhis, migpabawtismu sikandan ki Juan to diya una su pig-angkon dan no tinood to diya impaikagi to Diyus ki Juan.

Roma 15:2

Iyan nasi oghona-honaon ta to kadojawan to duma agun ogdigon to pagtuu dan.

Impaaha 7:12

no mig-iling, “Sikan on iyan! Angajan yagboy no ogsajaon dow ogtahudon to Diyus ta su sikandin to yabow to katongod, to kaalam dow to gahom! Ogpasidonggan aw ogpasalamatan ta sikandin to wada katapusan. Sikan iyan.”