Mateo 11:16 - Manobo Agusan

¹⁶ “Na,” kagi ni Jesus, “nokoy man to ogkaangodan to mgo otow kuntoon? Angod sikandan to balingag no mgo bata duon to usibaanan. Ogsabihon sikandan to mgo duma dan no og-iling,

Mateo 11:16 ပူးပေါင်းရင်းမြစ်များ

Mateo 11:15

Na, sikiyu no ogpakadinog to seini, ibotang yagboy duon to ginhawa now.

Mateo 11:17

‘Piglisagan noy sikiyu, di wada kow sinajow. Migdegmatoy koy isab, di wada kow tiniyahu.’

Mateo 12:34

Na, sikiyu no angod to mgo hayas, og-amonuhon now man to pag-ikagi to madojow no madoot kow man? Su inggad nokoy to ogkahona-honaan to otow iyan isab ogyogwa duon to ba-ba din.

Mateo 23:36

Indani now seini. Sikiyu no mgo otow kuntoon iyan ogsukutan to pagpanghimatoy dan to diya matarong no mgo otow.

Mateo 23:7

Ogtukhow sikandan ko tawagon to maistru aw ko pakitaon to pagtahud duon to karsada.

Mateo 24:34

Ligdongi now seini. Kona pad ogkangkamatoy to tibo mgo otow kuntoon, ogkatuman on sikan tibo.

Marcos 12:38

Duon to pagpang-anad ni Jesus, mig-ikagi sikandin, “Bantoy kow to mgo maistru to tinuuhan ta. Ogganahan sikandan ogpangabo to mahaba aw pakita-kita, aw ogtukhow ko pakitaon to pagtahud duon to karsada.

Marcos 4:30

Kagi ni Jesus, “Nokoy pad man to ogkaangodan to sikan ogharian to Diyus?

Lucas 11:43

“Alaot kow no mgo Pariseo, su duon to simbahan iyan ogkaliyagan now to ingkudanan no kaning inila, aw ogtukhow kow ko pakitaon to pagtahud duon to karsada.

Lucas 13:18

Pig-ikagihan isab ni Jesus sikan mgo otow, “Nokoy man to ogkaangodan to pag-uswag to sikan ogharian to Diyus?