Impaaha 18:21 - Manobo Agusan

²¹ Tapus to sikan, meyduon madoson no anghil no mighonat to maaslag no gatung aw ibegbog duon to dagat. Kagi din, “To pagkagoba to sikan bantugan no siyudad to Babilonia ogkaangod to kaagbot to kusabung to sikan gatung no imbegbog aw konad ogkitaon.

Impaaha 18:21 ပူးပေါင်းရင်းမြစ်များ

Impaaha 10:1

Tapus to sikan, migkita a to yain no madoson no anghil no migkonsad likat to yangit. Natongos sikandin to panganud aw natodungan to baengow. To bayhu din angod to kasiga to soga diya to yangit, aw to mgo bitiis din angod to migkakaeju no tugdok.

Impaaha 12:8

di nadaog sikandan. Kaling konad ogpakainandiya to yangit.

Impaaha 16:20

Na, pigboyong to tibo mgo puyu to dagat, yakip to tibo kabubunganan.

Impaaha 18:10

Ogpadiyu da sikandan no ogsayap su ogkahaedok aw ogdegmatoy no og-iling, “Adoy, wadad on. Kanugun to sikan bantugan dow gamhanan no siyudad to Babilonia, su wada da kapiniloki nahamtangan sikan to kastigu.”

Impaaha 18:22

Konad isab ogdinogon to kinoblit to mgo alpa dow to ogpamanganta. Wadad on ogpamendag aw wadad on trumpita no ogpatanugon. Wadad mgo trabahanti no ogkitaon duon, aw wadad isab ogkadinog no kinagadkad to galingan.

Impaaha 20:11

Tapus to sikan, meyduon impakita kanay no maputi no trunu no maaslag hilabi dow sikan mig-ingkud duon. To yangit dow pasak pigboyong duon to atubangan din angod to namanyaguy, aw wadad on kitaa.

Impaaha 5:2

Migkita a isab to madoson no anghil no mig-ikagi to maagbot, “Hintawa man to angajan no oggawang to sikan impamilit dow ogbukyad to sikan basahon?”