Impaaha 16:6 - Manobo Agusan

⁶ Su pigpanghimatajan dan to mgo otow to diya una no kibali ba-ba nu dow to duma no kaotawan nu. Kaling ogpainomon nud sikandan to yangosa, su sikan to angay no igbayos kandan.”

Impaaha 16:6 ပူးပေါင်းရင်းမြစ်များ

Mateo 7:2

Aw to kabog-at no ighukum now to duma angod isab to kabog-at to ighukum iyu.

Lucas 12:48

Di to suguonon no wada kamaan to sugu to agayon din aw nakasae to wada din tuuda, maagkap da to kastigu no igpahamtang kandin. To otow no nabogajan to madogi, madogi isab to ogsukuton kandin, aw to otow no pigsaligan to maaslag no katongdanan, maaslag isab to ogsukuton kandin.

Hibru 10:29

Na, ko sikan to ogkadeygan to diya ogsupak to sikan mgo balaod, iyan on man kona kastiguhon to otow no kibali ogdagilas ki Jesus no Anak to Diyus dow ogtamay to sikan makawkayuujon no Ispiritu Santu. Mabog-at to ogsukuton kandin su pinakawada din sikan yangosa ni Jesus no indigon to kasabutan to Diyus ita aw nakagawang to mgo sae ta.

Impaaha 11:18

Sikan kona no kaotawan nu naboyu hilabi ikow, di mig-abut on to panahon no ogpahungawon nu to kaboyu nu kandan, aw oghukuman nud sikan nangkamatoy on. Ogbayosan nud on to mgo suguonon nu no ogtahud ikow, bantugan sikandan ko obos, yakip to diya kibali mgo ba-ba nu dow to duma no kaotawan nu. Seini isab to panahon no ogyagyagon nud to tibo no ogpamandodoot to kalibutan.”

Impaaha 13:10

To otow no dakoponon, ogkadakop. To otow no iyan ogkamatajan to tigbas, ogkatigbasan. Kaling sikiyu no kaotawan to Diyus, aguwantaha now to mgo antusonon no og-abut iyu, aw digona to pagtuu now.

Impaaha 13:15

Sikan ikaduwa no mananap pigtugutan to pagbogoy to ginhawa to sikan inotow-otow, kaling nakaikagi sikan aw migsugu no himatajan to inggad hintawa no kona ogsimba kandin.

Impaaha 18:20

Di sikiyu no mgo taga-yangit, tukhow kow on su nagoba on sikan no siyudad. Lipay kow no mgo kaotawan to Diyus, mgo apustulis dow sikiyu no kibali ba-ba to Diyus, su pigkastigu din on sikan no siyudad tongod to diya pagpaantus din iyu.

Impaaha 18:24

Ogkastiguhon sikan siyudad su duon kahimataji to kaotawan to Diyus yakip to diya kibali mgo ba-ba din. Aw inggad hintawa no nangkahimatajan kani to kalibutan, sikan no siyudad iyan ogkahinang no tadtadan.”

Impaaha 19:2

Ogsajaon ta sikandin su matarong dow hustu to paghukum din. Pigkastigu din on sikan bantugan no buring no migdodoot to kaotawan pinaagi to pagdae kandan to paghinang to kayaw-ajan. Pigbayosan sikandin to Diyus tongod to paghimataji din to mahan-in no kaotawan to Diyus.”