Hinang 7:36 - Manobo Agusan

³⁶ Si Moises to migdae to sikan mgo Hibru no muyaguy sikandan likat to Ehipto. Sikandin isab to mighinang to mgo milagru dow kabeynganan diya to Ehipto aw duon to sikan og-ilingon to Mayogdog no Dagat hasta diya isab to matahay no banwa no makapanow-panow to diya mgo Hibru sed to kap-atan no tuig.

Hinang 7:36 ပူးပေါင်းရင်းမြစ်များ

Juan 4:48

Pagpangamuju to sikan upisyal, nakaikagi si Jesus, “Ay, sikiyu no mgo otow, kona kow yagboy ogtuu kanay ko kona kow makakita to mgo milagru dow duma no mgo kabeynganan.”

Hinang 13:18

Sed to kap-atan no tuig no makapanow-panow sikandan diya to matahay no banwa, migpadajun to kadojow to Diyus kandan sahian ka da to pag-atiman to ginikanan.

Hinang 7:42

Kaling pigtalikudan sikandan to Diyus aw pabay-ani no iyan simbahon dan to mgo sumisilat diya to yangit. Sikan to ognangonon to Diyus no impasuyat din to songo otow no kibali ba-ba din no pig-iling, ‘Sikiyu no mgo kaliwat ni Israel, kagi to Diyus, meyduon ig-usip ku iyu. No duon kow pad ugpa to matahay no banwa sed to kap-atan no tuig, siakon buwa to pighaladan now to ogtutungon no mgo mananap? Siakon to pigtuman now?

Hibru 3:8

kona kow ogpadoson-doson angod to diya mgo kaaw-apuan now no migsupak to Diyus diya to matahay no banwa. Su kagi to Diyus, ‘Inggad naaha dan on to mgo milagru no pighinang ku sed to kap-atan no tuig, migpadajun gihapun sikandan to pag-anti kanay.

Hibru 8:9

Kona sikan ogkaangod to diya una no kasabutan no pigtukud ku duon to mgo kaaw-apuan dan no payuwason ku sikandan to Ehipto angod to amoy no ogpikit to anak din. Su wada kayugoy, migsupak sikandan to diya una no kasabutan ku kandan. Kaling puli ku sikandan pigpabay-anan, kagi to Ginuu.