Hinang 13:33 - Manobo Agusan

³³ natuman on dini ita pinaagi ki Jesus no pigpaandini din on. Su meyduon pig-ikagi to Diyus ki Jesus duon to ikaduwa no Salmu no pig-iling, ‘Anak ku sikuna, aw kuntoon igmaan ku no siakon to Amoy nu.’

Hinang 13:33 ပူးပေါင်းရင်းမြစ်များ

Juan 2:22

Inggad to mgo inanad ni Jesus, ayha da makasabut no mabanhaw on sikandin. Iyan pad pagkadomdom dan to diya mgo kagi din, aw nakatuu sikandan to diya nasuyat duon to Kasuyatan no pig-ikagi ni Jesus bahin to kaugalingon din.

Hinang 13:30

Di pigbanhaw da sikandin to Diyus.

Hinang 13:34

Namaan ki isab no pigmatuud to Diyus to pagbanhaw din ki Jesus no konad on ogkamatoy su nasuyat on no pig-iling, ‘Ogtumanon ku yagboy duon iyu sikan insaad ku ki David no mgo kadojawan.’

Hinang 13:37

Di sikan pigbanhaw to Diyus no si Jesus, wada kadunut to yawa din.

Hinang 2:24

di pigbanhaw sikandin to Diyus. Pigyuwas din si Jesus to gahom to kamatajon su kona ogkahimu no tagonan sikandin to sikan.

Hinang 2:32

Kistigus koy tibo su pigkita noy yagboy tapus sikandin banhawa.

Hinang 9:20

Dajun sikandin andiya to mgo simbahan to mgo Hibru su igwali din no si Jesus Anak yagboy to Diyus.

Hibru 5:5

Si Jesu-Cristo wada isab boboot to paghinang to kaugalingon din to pagka-kinayabawan no magdudumaya to pagtuu ta, su Diyus yagboy to migbogoy kandin to sikan no katongdanan. Su pig-ikagihan din si Jesus, “Anak ku sikuna, aw kuntoon igmaan ku no siakon to Amoy nu.”