Hinang 10:9 - Manobo Agusan

⁹ Pagkaugtu to sikan migsunu no aedow, madani on sikandan ogtidow diya to Jope. Na, duon to iyan da no uras, migponhik si Pedro diya to atop to bayoy su og-ampu. Wada sikandin kamaan no meyduon namangha kandin.

Hinang 10:9 ပူးပေါင်းရင်းမြစ်များ

Mateo 20:5

Dajun sikandan panow. Meyduon pigpatrabahu din no maugtu on aw pagkaalas tres isab.

Mateo 24:17

To otow no diya to yuwas to bayoy, ajaw on ogpaulia to pagpudut to inggad nokoy da.

Mateo 27:45

Anoy man no maugtu on, migdigyom to kalibutan hangtod no alas tres to kahapunon.

Mateo 6:6

Di sikiyu, ko og-ampu kow, sed kow to sinabong aw sirahi, na, ampu kow diya to Diyus no Amoy now no kona ogkitaon. Su inggad wada otow no ogkita iyu, to Amoy now ogkita, aw sikandin to ogbayos iyu.

Marcos 1:35

Kaadlawon pad migbangun on si Jesus aw pahilit su og-ampu.

Marcos 6:46

Pagkalius on to sikan mgo otow, miggamat si Jesus to bubungan su og-ampu.

Hinang 10:3

Songo aedow no alas tres on to kahapunon, meyduon nasailow din. Mapajag hilabi to pag-aha din to sikan anghil no migyogwa kandin aw ikagi, “Cornelio!”

Hinang 6:4

agun ogkatibuyus to kanami no hinangonon no pag-ampu dow pagwali.”

Efeso 6:18

Dongan to sikan tibo, ampu kow kanunoy tinabangan to Ispiritu Santu. Pamuju kow to mgo kinahangyan now, aw pakaalistu kow to pag-ampu kanunoy to tibo angod now no magtutuu.

1 Timoteo 2:8

Na, ogkaliyag a no to mgo yukos diya to inggad andei no banwa oghihimun to pag-ampu no wada kaboyu aw wada pagyayalis. Kinahangyan isab no wada igkasawoy kandan.