Hibru 7:21 - Manobo Agusan

²¹ Di no si Jesus on to pigbogajan to sikan no katongdanan, pigpadumahan to Diyus to sapa no pig-iling, “Siak no Diyus ogsaad ikow no ogkahinang ka no wada katapusan no magdudumaya to pagtuman kanay, aw kona ogkaisab to hona-hona ku.”

Hibru 7:21 ပူးပေါင်းရင်းမြစ်များ

Roma 11:29

Su ko meyduon ogpilion to Diyus, kona din og-ojowan. Aw ko meyduon kadojawan no igbogoy to Diyus, kona din on oghawion.

Hibru 5:6

Meyduon isab sinuyat no kagi din no pig-iling, “Sikuna to ogdumaya to pagtuman kanay to wada katapusan angod to pagdumaya ni Melquisedec to diya una.”

Hibru 7:17

Su meyduon sinuyat no kagi to Diyus kandin no pig-iling, “Sikuna to ogdumaya to pagtuman kanay to wada katapusan angod to pagdumaya ni Melquisedec to diya una.”

Hibru 7:20

Meyduon isab yain no igkadojow to sikan bag-u no paagi to Diyus. Su to diya una ko meyduon ogbogajan to Diyus to katongdanan to pagdumaya to pagtuman kandin, kona ogpadumahan to sapa.

Hibru 7:23

To diya una, to otow no meyduon katongdanan to pagdumaya to tinuuhan to mgo Hibru, kona oghangtod su ogkamatoy da sikandin aw ogkailisan.

Hibru 7:28

Ojow pa to diya balaod no imbilin ni Moises to mgo Hibru, iyan ogbogajan to katongdanan to pagka-magdudumaya to tinuuhan dan to mgo otow no ogpakasae da, su ingkaanat man to otow no ogpakasae. Di ojow pa to sapa to Diyus no nakasunu to sikan balaod, iyan on pigbogajan to sikan no katongdanan si Jesus no Anak to Diyus no himpit hangtod to wada katapusan.