Hibru 5:11 - Manobo Agusan

¹¹ Mahan-in pad podom to ig-ikagi ku iyu bahin to sikan, di malisod su kona kow mojow ogpakasabut.

Hibru 5:11 ပူးပေါင်းရင်းမြစ်များ

Mateo 13:15

Nailing to sikan su pigkubayan on to mgo hona-hona dan. Ogpamabongey-bongey aw ogpamabuta-buta sikandan agun kona makasabut, su unu ko makakita sikandan aw makadinog dow makasabut aw atubang kanay agun mayuwas ku sikandan.’

Marcos 8:21

“Na,” kagi ni Jesus, “wada kow gihapun makasabut?”

Lucas 24:25

Dajun ikagi si Jesus, “Abee, kayugoy now on man igpakasabut dow igtuu to tibo mgo sinuyat to diya kibali mgo ba-ba to Diyus.

Juan 16:12

“Mahan-in pad podom to ignangon ku iyu,” kagi ni Jesus, “di kona kow pad ogpakatogkad.

Juan 6:6

Pig-iling ni Jesus to sikan su ogtogkadon din si Felipe. Di tahan din on namaanan dow nokoy to oghinangon din.

Hinang 28:27

Sikan to ikagihon nu kandan su madoson to uyu dan. Angod to pigsampongan dan to mgo talinga dan aw migpiyong agun kona makasabut dow makakita. Su ko paningkamotan dan pa no makasabut aw makakita dow pauli dini kanay, ogpang-ulian ku sikandan.’

Hibru 5:10

Pigbogajan sikandin to Diyus to katongdanan to pagka-kinayabawan no magdudumaya to pagtuu ta angod to diya ki Melquisedec to diya una pad yagboy no panahon.

Hibru 5:12

Nayugoy kow da man tuu ki Jesus, aw angajan kow on podom no makapang-anad to kagi to Diyus. Di kona sikan ogkahimu su ogkinahangyan pad nasi no anadon kow manda to diya una no impang-anad no mgo kagi din. Angod to ogdudu kow pad su kona kow ogpakakoon to madoson no koonon!

2 Pedro 3:16

Pighisgutan din sikan duon to tibo mgo suyat din. Di meyduon isab oghisgutan din no malisod ogsabuton, kaling to kahuyugan to sikan ogyainon to pagsabut to mgo otow no tongop aw madali ogkadaya. Sikan isab to oghinangon dan to duma no mgo sinuyat duon to Kasuyatan to Diyus. Kaling ogkastiguhon din sikandan.