Hibru 4:7 - Manobo Agusan

⁷ Kaling mey on manda yain no panahon no imbogoy to Diyus agun makased to otow. Aw seinid on sikan no panahon. Su paglisig to mahan-in no katuigan, impasuyat to Diyus ki David sikan pig-iling, “Kuntoon no aedow ko meyduon igpadinog iyu to Diyus, kona kow ogpadoson-doson.”

Hibru 4:7 ပူးပေါင်းရင်းမြစ်များ

Mateo 22:43

“Na,” kagi ni Jesus, “ko mailing to sikan, nokoy no mig-iling man si David no Ginuu din sikan Insaad no Manyuyuwas? Su si David no minanduan to Ispiritu Santu iyan man yagboy mig-iling,

Marcos 12:36

no si David no manduan to Ispiritu Santu iyan man yagboy mig-iling, ‘To Ginuu no Agayon ku pig-ikagihan to Diyus, Ingkud ka kani to kalintuu no takidingan ku kotob no daogon ku yagboy to mgo kuntra nu aw makayuhud duon to atubangan nu.’ ”

Lucas 20:42

no si David iyan man yagboy migsuyat duon to libru to mgo Salmo no pig-iling, ‘To Ginuu no Agayon ku pig-ikagihan to Diyus, Ingkud ka kani to kalintuu no takidingan ku

Hinang 2:29

Migpadajun si Pedro, “Mgo suun ku, hintawa man sikan ognangonon ni David? Sikandin buwa ko yain? Kona ogkahimu no sikandin. Bantugan iyan si Hari David no minuna, di nayugoy da kamatoy. Hangtod kuntoon ogkitaon ta pad sikan pigyobongan kandin, aw wada duwa-duwa no nadunut on to yawa din.

Hinang 2:31

Si Cristo yagboy sikan kaliwat ni David no ognangonon din, su sikandin man to pigbanhaw to Diyus. Kaling namaanan ta no wada ojowi to Diyus to umagad ni Jesus diya to banwa to mgo umagad. Sikan yawa din wada isab kadunut.

Hibru 3:15

Ibotang duon to ginhawa now sikan pig-iling, “Kuntoon no aedow, ko meyduon igpadinog iyu to Diyus, kona kow ogpadoson-doson angod to diya mgo kaaw-apuan now no migsupak to Diyus diya to matahay no banwa.”