Hibru 3:7 - Manobo Agusan

⁷ Kaling ogligdongan ta to kagi to Ispiritu Santu bahin to diya masinupakon no mgo Hibru no pig-iling, “Kuntoon no aedow, ko meyduon igpadinog iyu to Diyus,

Hibru 3:7 ပူးပေါင်းရင်းမြစ်များ

Mateo 17:5

Dugaja pad mig-ikagi si Pedro, natuntun duon kandan to masiga no gabun. Meyduon kagi no napuun duon to sikan gabun no mig-iling, “Anak ku seini no pinadajag dow ingkalipay ku. Paminog kow kandin.”

Mateo 22:43

“Na,” kagi ni Jesus, “ko mailing to sikan, nokoy no mig-iling man si David no Ginuu din sikan Insaad no Manyuyuwas? Su si David no minanduan to Ispiritu Santu iyan man yagboy mig-iling,

Marcos 12:36

no si David no manduan to Ispiritu Santu iyan man yagboy mig-iling, ‘To Ginuu no Agayon ku pig-ikagihan to Diyus, Ingkud ka kani to kalintuu no takidingan ku kotob no daogon ku yagboy to mgo kuntra nu aw makayuhud duon to atubangan nu.’ ”

Juan 10:16

Meyduon pad duma no mgo karneru ku no kona no sakup to seini panon. Oghagokonon ku isab sikandan aw ogpaminogon dan to kagi ku. Na, ogkahinang sikandan tibo no songo panon nanda, aw sobuuk da to ogbantoy kandan tibo.

Juan 10:27

Ogkiyayahon ku to kanay no mgo karneru. Ogpaminog sikandan to kagi ku aw ogsunud kanay.

Juan 10:3

Og-abrihan sikandin to magbantajay to yawanganan, aw to mgo karneru ogkiyaya to tingog din. Ogsabihon din to ngadan to kada sobuuk aw ogpayuwason din.

Juan 5:25

Paminog kow to seini. Sikan pigpaabut no panahon mig-abut on, no sikan nangkasakup pad to kamatajon ogdinog to kagi ku no Anak to Diyus aw ogkabuhi da.

Hinang 1:16

“Mgo suun ku, kinahangyan no matuman to diya impasuyat to Ispiritu Santu ki David duon to Kasuyatan bahin ki mina Judas. Su sikandin to diya mighindu ki Jesus to sikan namandakop kandin.

Hinang 8:29

Pagkita ni Felipe to sikan otow, pig-ikagihan si Felipe to Ispiritu Santu, “Andiya ka aw padanihi sikan sakajan.”

Hibru 10:15

Meyduon isab ing-anad ita to Ispiritu Santu duon to Kasuyatan to Diyus no pig-iling,

Hibru 3:13

Nasi no kotob mey pad panahon, ogdinasigay kinow agun kona ki malimbungan to sae no iyan ogpakailing to pagdoson to uyu ta.

Hibru 3:15

Ibotang duon to ginhawa now sikan pig-iling, “Kuntoon no aedow, ko meyduon igpadinog iyu to Diyus, kona kow ogpadoson-doson angod to diya mgo kaaw-apuan now no migsupak to Diyus diya to matahay no banwa.”

Hibru 4:7

Kaling mey on manda yain no panahon no imbogoy to Diyus agun makased to otow. Aw seinid on sikan no panahon. Su paglisig to mahan-in no katuigan, impasuyat to Diyus ki David sikan pig-iling, “Kuntoon no aedow ko meyduon igpadinog iyu to Diyus, kona kow ogpadoson-doson.”

Hibru 9:8

Pinaagi to sikan, ogpasabuton ki to Ispiritu Santu no kotob no sakup pad sikandan to balaod to sikan Pinakabalaan no Sinabong, kona ogkahimu to otow to pagsed duon to atubangan to Diyus.

2 Pedro 1:21

Wada sinuyat duon no pig-otawan puli su sikan namansuyat piggahoman to Ispiritu Santu. Kaling ogpakailing ki no kagi yagboy sikan to Diyus.

Impaaha 3:20

Su oho, ogtindog a kani to pertahan aw panuktuk. Ko meyduon maminog kanay aw abrihan a, ogsed a aw pagsayu kandin to pagkoon.