Hibru 11:31 - Manobo Agusan

³¹ Aw tongod to pagtuu ni Rahab no buring, wada sikandin kayakip no himatajan to duma din no mgo taga-Jerico no wada sugut to Diyus. Su pigtabangan din to diya daduwa no mgo Hibru no nakaanduon to pagpaniid to sikan siyudad.

Hibru 11:31 ပူးပေါင်းရင်းမြစ်များ

Mateo 1:1

Seini to napuunan ni Jesu-Cristo no Kaliwat ni David dow ni Abraham.

Mateo 1:5

Si Salmon amoy ni Boos, si Rahab to inoy din. Si Boos amoy ni Obed, si Ruth to inoy din. Si Obed amoy ni Isai.

Hinang 15:33

Tapus to pila no simana no pag-ugpa dan duon, pigpalikat sikandan to taga-Antioquia no mgo magtutuu duma to panghinaut no malinow to panow dan. Dajun sikandan pauli duon to sikan migsugu kandan.

Hibru 3:18

Sikandan gihapun no masinupakon no mgo otow to pig-igu to sapa to Diyus no pig-iling, “Konad sikandan ogpakased duon to sikan banwa no pighinaat ku no ogkapahuwajan dan podom.”

Santiago 2:25

Angod isab to sikan si Rahab to diya una. Buring iyan, di pigdawat sikandin to Diyus tongod to diya pighinang din. Su pigpapaabut din duon to bayoy din to diya daduwa no mgo Hibru no pigsugu to pagpaniid to siyudad to Jerico. Aw pag-uli dan, pighinduan din to yain no dayan agun no makalikoy sikandan.

1 Pedro 2:8

Pig-iling isab duon to Kasuyatan, “Ogpakasipdug to mgo otow to sikan no batu aw ogpakadugsu.” Ogpakadugsu sikandan su wada dan tuuhi to kagi to Diyus. Sikan to ing-andam din kandan.

1 Pedro 3:20

Namansupak sikandan to Diyus to diya karaan no panahon no hinangon ni Noe sikan sakajan no og-ilingon to arka. Migpailub pad to Diyus to sikan no panahon, di pag-abut to ugub, wayu da no ka otow to wada katabug.