Galacia 3:11 - Manobo Agusan

¹¹ Kaling namaan kid kuntoon no wada inggad hintawa no ogkadawat to Diyus tongod to pagtuman din to sikan mgo balaod. Su pig-iling isab to Kasuyatan, “To otow no og-isipon ku no wadad sae, to kinabuhi din igpasikad to pagtuu kanay.”

Galacia 3:11 ပူးပေါင်းရင်းမြစ်များ

Roma 1:17

Su pinaagi to sikan Madojow no Nawnangonon, impamaan to Diyus to planu din to pag-isip to mgo otow no wadad sae tongod da to pagtuu dan. Su mey sinuyat no kagi to Diyus no pig-iling, “To mgo otow no og-isipon ku no wadad sae, to kinabuhi dan igpasikad to pagtuu kanay.”

Galacia 2:16

Di pig-ikagihan ku sikandin no namaan koy on no kona ogkadawat to Diyus to otow tongod to pagtuman to sikan mgo balaod, di tongod da to pagtuu dow pagsalig ki Jesu-Cristo. Kaling mig-iling a no anoy koy man no mgo Hibru, di migtuu koy isab ki Cristo Jesus agun no isipon koy to Diyus no wadad sae tongod to pagtuu noy kandin. Su wada yagboy otow no ogkadawat to Diyus tongod to pagtuman to sikan mgo balaod.

Hibru 10:38

To mgo otow no pig-isip ku no wadad sae, to kinabuhi dan igpasikad to pagsalig dan kanay. Di ko meyduon ogsibog su ogkahaedok, kona a ogkasajaan kandin.”

Santiago 1:27

Di to pag-aha to Diyus, iyan hamatuk no diyusnon to otow no ogtabang to oglisod-lisod no mgo minailu dow bayu no mgo bohi. Kona din isab ogligsoman to kaugalingon din to mangkadoot no batasan to mgo otow no wada Diyus.

Santiago 3:2

Tibo ki hinuun ogkasajop to yain-yain no paagi, yabi to pagpang-ikagi ta. Di ko pananglitan mey otow no kona ogkasajop to pagpang-ikagi din, wada igkasawoy kandin su ogkapogongan din man to tibuuk yawa din.

Impaaha 5:9

Migkanta sikandan to bag-u no kanta no pig-iling, “Sikuna to angajan no ogdawat to sikan pigyukut no basahon dow to paggawang to sikan impamilit. Su pighimatajan ka, aw pinaagi to yangosa no pigpaawas nu, mey mgo otow no nayokat nu duon to tibo mgo tribu dow tibo mgo nasyun no yain-yain to inikagihan agun mahinang sikandan no mgo sakup to Diyus.