2 Timoteo 4:21 - Manobo Agusan

²¹ Paningkamot ka no kona pad og-abut to tinghagsiy, makaandini kad kanay. Si Eubulo dow si Pudente, si Lino, si Claudia dow tibo mgo suun ta nangumusta ikow.

2 Timoteo 4:21 ပူးပေါင်းရင်းမြစ်များ

Lucas 12:58

Ko pananglitan iriklamu ka to songo otow, kona kow pad ogtidow diya to husajan, pag-uli kad kandin. Su ko kona kow mahiuli, basi paatubangon ka to huwis aw idata ka diya to pulis agun prisuhon.

1 Corinto 16:20

To tibo mgo suun ta kani nangumusta isab iyu. Kinumustahay kow to minagsuun no pangumusta.

2 Corinto 13:13

Og-ampu a no ipakita iyu tibo to kadojow dow kayuuy ni Jesu-Cristo no Ginuu dow to gugma to Diyus no Amoy, aw dumahan kow to Ispiritu Santu. Sikan da.

Filipos 4:22

To tibo mgo inabin to Diyus kani, yabi to namantrabahu duon to bayoy to hari, nangumusta isab iyu.

2 Timoteo 1:4

Ko ig-ampu ku sikuna, ogmingawon a yagboy su ogkadomdoman ku no pigpangyuhaan ka no mususuwoy ki. Ogkaliyag a podom no maisaban ku sikuna makitaan agun no malipay a yagboy.

2 Timoteo 4:13

Na, ko muandini ka, daeha to diya aapid ku no kabo no imbilin ku ki Carpo diya to Troas. Daeha isab to diya mgo libru, yabi to diya mgo kindae no hininang no libru.

2 Timoteo 4:9

Paningkamoti no madali ka makaandini kanay.

Tito 3:12

Ko makatidow diyan ikow si Artemas ubin si Tiquico no ogpaandiyanon ku, andiya ka dajun to Nicopolis aw tagbuha a su duon a ogpayaboy to tinghagsiy.

2 Juan 1:13

To mgo anak to suun nu dini no inabin to Diyus nangumusta iyu. Sikan da.

3 Juan 1:14

Nasi no migplanu a no og-andiyan a agun ogkahiunoy ki to paggigilaung.