2 Corinto 5:19 - Manobo Agusan

¹⁹ Iyan ignawnangon noy no napabalik to Diyus to mgo otow diya kandin pinaagi to kamatajon ni Cristo aw kona din on og-isipon no sae-an. Sikan to impanawnangon din kanami to kaotawan.

2 Corinto 5:19 ပူးပေါင်းရင်းမြစ်များ

Mateo 1:23

“Meyduon daega no wada buling no ogkabodos, aw yukos to ig-anak din. Sikan bata oghingadanan to Emmanuel, no ko ita pa, to Diyus duma ita.”

Juan 14:20

Duon to sikan no panahon, ogkamaanan now no sobuuk koy da yagboy dow Amoy ku, aw sobuuk kinow da isab.

Juan 17:23

Ogkahimu sikan su duon a kandan aw kani ka kanay agun no masaboka yagboy sikandan. Na, ogkataga to tibo kaotawan no sikuna to migpaandini kanay aw ogkataga no pighigugma nu sikandan angod to paghigugma nu kanay.

Roma 11:15

Su ko to pagtalikudi to Diyus to mgo Hibru iyan nakapabalik to duma no mgo tribu diya to Diyus, yabow no madojow ko dawaton din manda to mgo Hibru. Su ko mahitabu sikan, ogkaangod to pagkabanhaw to mgo patoy!

1 Corinto 13:5

Madojow to batasan din, kona no hakog, kona no madali ogkaboyu aw kona ogdomot.

Colosas 2:9

Di namaan ki no migpakaotow sikandin. Meyduon yawa din, di duon isab kandin to tibo pagka-Diyus to Amoy din.

1 Timoteo 3:16

Namaan ki no impurtanti yagboy sikan pigtuuhan ta no babag-uhay pad ipasabut ita no pig-iling, Migpakaotow si Jesu-Cristo, aw migkistigus to Ispiritu Santu no Anak sikandin to Diyus. Pigkita sikandin to mgo anghil aw iwali diya to yain-yain no mgo tribu. Mahan-in to migpasakup kandin dini to babow to pasak, aw pigbatun sikandin diya to yangit.

1 Juan 4:10

To matuud no gugma kona no gugma ta to Diyus, ko kona no gugma to Diyus ita, su pigpaandini din to Anak din agun iglimpas to mgo sae ta agun ogkapasaylu ki to Diyus.