1 Pedro 3:11 - Manobo Agusan

¹¹ Ojowan din to madoot aw iyan hinangon din to madojow. Paningkamotan din kanunoy no madojow to rilasyun din to duma.

1 Pedro 3:11 ပူးပေါင်းရင်းမြစ်များ

Mateo 5:45

Na, ko tumanon now sikan, ogkakiyaya no anak kow to Diyus no Amoy now diya to yangit. Su ogpasogahan din to uma to tibo mgo otow, matarong ko kona. Ogpaudanan din isab to uma to tibo mgo otow, madoot ko madojow.

Mateo 5:9

Madojow to diya ogpaningkamot agun ogdojow to rilasyun to mgo otow, su ogkatawag sikandan no mgo anak to Diyus.

Mateo 6:13

Tabangi koy agun kona koy matintal, aw saganga kanami to gahom ni Satanas.

Marcos 14:7

To mgo pubri kanunoy now igpagduma, aw ogkatabangan now inggad kagan-u to gustu now. Di siakon, kona a ogkayugoy dini iyu.

Lucas 1:79

Ogtang-awan din to mgo otow no mig-ugpa duon to kadigyoman no wadad on pag-iman su nasakup sikandan to kamatajon. Sikandin to oghindu ita to dayan no og-unugon ta agun no mahiuli kinow dow to Diyus aw malinow to ginhawa ta.”

Lucas 6:35

Di sikiyu, higugmaa to mgo kuntra now. Dedeyjawa sikandan aw pautanga inggad kona makabajad. Na, ko tumanon now sikan, ogkakiyaya no anak kow to Diyus no Yabow to Tibo. Maaslag yagboy to igbayos din iyu. Su ngani man to mgo otow no madoot to batasan no kona ogpasalamat kandin, di angod da to kayuuy to Diyus kandan.

Lucas 6:9

Dajun usipa ni Jesus to nahimun no mgo otow, “Andei man to intugut to balaod to tinuuhan ta no oghinangon duon to Aedow no Tigpahuway, madojow ko madoot? Pagyuwas to kinabuhi ubin paghimatoy?”

Juan 17:15

Kona a oghangyu ikow no gawangon nu sikandan kani to kalibutan, di igatang bantajan nu agun no kona maamonu ni Satanas.

Roma 12:18

Kotob to mahimu ta, ogdedeyjawon ta to rilasyun ta to tibo otow.

Roma 14:17

Su ko ogpaharion ta to Diyus kani to kinabuhi ta, kona no iyan ogpayabihon ta to ogkoonon dow og-inomon ta. Iyan nasi ogpayabihon ta to pagkamatarong dow to mahusoy no pagkasaboka ta hasta isab to kalipay no igbogoy ita to Ispiritu Santu.

Roma 14:19

Kaling ogpaningkamotan ta no mahusoy to mgo rilasyun ta, agun isab mudigon to pagtuu to kada sobuuk ita.

Roma 5:1

Manno pig-isip on to Diyus no wadad sae ta tongod to pagtuu dow pagsalig ta ki Jesu-Cristo, nahiuli kid on dow to Diyus. Nahimu sikan tongod to kamatajon ni Jesu-Cristo no Ginuu ta.

Roma 7:19

Su anoy oghinang a podom to madojow, iyan nasi ogkahinang ku to madoot.

Roma 7:21

Kaling seini to napaniidan ku: Inggad oghinang a podom to madojow, ogbaebagan a to madoot.

Galacia 5:22

Di to otow no ogbootan to Ispiritu Santu, mahigugmaon sikandin, malipajon, malinawon to ginhawa, mapailubon, bootan, matinabangon, ogkasaligan,

Galacia 6:10

Kaling kotob no mey pad panahon, ogdedeyjawon ta to tibo mgo otow, yabi to mgo suun ta to pagtuu.

Colosas 3:15

Pahari-a duon to ginhawa now to kalinow no igbogoy ni Cristo, su iyan impili-a din iyu agun ogkahisabut kow no kibali songo yawa da. Pasalamat kow isab kanunoy.

1 Timoteo 6:18

Suguon nu isab sikandan to paghinang to mangkadojow su sikan to tinood no kadatu. Kinahangyan no matibogoy sikandan aw matinabangon to duma.

Hibru 12:14

Paningkamoti no madojow to rilasyun now to tibo mgo otow aw padiyu kow to sae, su to otow no maligsom to ginhawa kona ogpakakita to Ginuu.

Hibru 13:16

Kona kow oghukow to paghinang to madojow dow to pagtabang to diya oglisod-lisod, su to batasan no angod to sikan ogkaangod to halad no ogkaliyagan to Diyus.

Santiago 4:17

Kaling to otow no namaan no mey madojow no oghinangon di kona din ogtumanon, nakasae sikandin.

1 Pedro 3:12

Su to matarong no otow ogbantajan to Diyus, aw ogpaminogon to mgo pag-ampu din, di kuntra din sikan ogpamanghinang to madoot.”

3 Juan 1:11

Hinigugma ku no suun, kona ka ogsunud to madoot. Iyan da sunuda to madojow, su to otow no ogpanghinang to madojow, ogkamaanan ta no sakup sikandin to Diyus. Di to otow no ogpanghinang to madoot, wada yabot din to Diyus.