1 Corinto 7:30 - Manobo Agusan

³⁰ To otow no ogkaguul ubin ogkalipay, kona din ogbali-balihon sikan. To otow isab no ogboli, kona din igbotang duon to ginhawa din to binoli din, di nasi no isipon din no kona no sikandin to tag-iya.

1 Corinto 7:30 ပူးပေါင်းရင်းမြစ်များ

Lucas 16:25

Di migtabak si Abraham, ‘Domdoma no to diya buhi ka pad hayahay ka, di si Lazaro kanunoy mig-antus. Kuntoon, sikunad to og-antus aw sikandin on to hayahay.

Lucas 6:21

Igkadojow now no pigbontas kuntoon su diya to kayugajan oghantajon kow da. Igkadojow now no ogtiyahu kuntoon, su diya to kayugajan ogpakangisi kow da.

Lucas 6:25

Sikiyu no nahantoy kuntoon, alaot kow su diya to kayugajan, kanunoy kow on ogbontason. Sikiyu no ogngisi kuntoon, alaot kow su diya to kayugajan kanunoy kow ogmey-og dow ogtiniyahu.

Juan 16:22

Angod isab to sikan, ogkaguul kow iyan kuntoon, di ko makikita kinow on isab, og-ilisan sikan kaguul to hilabi no kalipay no konad ogkagawang.

1 Corinto 7:29

Seini to igpasabut ku iyu, mgo suun ku. Majopot nanda to panahon no igkatuman ta to Diyus. Kaling sugud kuntoon, to mgo minyo kona no iyan da ogkawilihan dan to mgo kinahangyanon to pamilya dan, su unu ko kona dan on malipara to trabahu no kaning Diyus.

1 Corinto 7:31

Inggad nokoy no ogkapuesan ta kani to babow to kalibutan, ajaw sikan ogpayabiha duon to hona-hona now. Su mey da panahon no ogkagawang seini kalibutan dow to tibo namakabotang kani.

Impaaha 18:7

Sikan pagpayabow dow pagpahayahay din iyan sukudi to kasakit dow kaguul no ogbation din. Og-iling sikandin, ‘Rayna a, kona a no bayu. Kona a yagboy ogpakabaja to kaguul.’

Impaaha 7:17

Su sikan Nati no Karneru no duon to trunu to Diyus iyan on og-atiman kandan. Ogdaehon din sikandan duon to og-ugwak no wohig no ogpakabogoy to kinabuhi no wada katapusan. Aw oggawangon to Diyus to tibo kaguul dan.”